మూడో చిత్రానికి రంగం సిద్ధం

తొలి చిత్రం `RX 100`తో సెన్సేష‌న‌ల్ హిట్ సాధించిన ద‌ర్శ‌కుడు అజ‌య్ భూప‌తి. ఈయ‌న రెండో చిత్రం ప్రారంభం కావాల్సింది కానీ.. కొన్ని కార‌ణాల‌తో ఆగింది. ప్రీ ప్రొడ‌క్ష‌న్ ద‌శ‌లోని ఈ చిత్రాన్ని తెర‌కెక్కించే లోపే మూడో సినిమాకు గ్రీన్ సిగ్న‌ల్ వేసేసుకున్నాడీ ద‌ర్శ‌కుడు. భ‌వ్య క్రియేష‌న్స్ బ్యాన‌ర్‌పై వి.ఆనంద్ ప్రసాద్ నిర్మాత‌గా అజ‌య్ భూప‌తి ద‌ర్శ‌క‌త్వంలో సినిమా రూపొంద‌నుంది. ఈ సినిమాలో ఓ ప్ర‌ముఖ హీరో న‌టిస్తార‌ని చిత్ర నిర్మాణ సంస్థ భ‌వ్య క్రియేష‌న్స్ అధికారికంగా ప్ర‌క‌టించింది. ఆ హీరో ఎవ‌రో తెలియాలంటే మ‌రికొన్నిరోజులు ఆగాల్సిందే.