మెల్బోర్న్ (ఆస్ర్టేలియా), జనవరి 11: ప్రపంచ మాజీ నెంబర్ ఒన్ టెన్నిస్ ఛాంపియన్ అండీ మర్రే 2019 ఆస్ట్రేలియన్ ఓపెన్ తన చివరి టోర్ని కావచ్చు అని ప్రకటించాడు. శుక్రవారం మెల్‌బోర్న్లో మీడియా తో మాట్లాడుతూ తుంటి గాయం కారణంగా రిటైర్ కావాలనుకుంటున్నట్లు ప్రకటించాడు. వింబుల్డన్‌తో కెరియర్ ముగించాలని ఉంది కానీ, ఆస్ట్రేలియన్ ఓపెన్ ఆఖరు కావచ్చు అని అతను తెలిపాడు.
నేను ఇప్పటికీ ఒక స్థాయిలో ఆడగలను. ఆడటం ఆనందించలేక కాదు. బాధ చాలా ఎక్కువగా ఉందని అతను అన్నాడు.
మూడు సార్లు గ్రాండ్ స్లామ్ గెలిచిన ఈ 31 ఏళ్ళ బ్రిటన్ క్రీడాకారుడి నిర్ణయం టెన్నీస్ ప్రపంచాన్ని ఆశ్చర్యానికి గురిచేసింది.
జనవరి మూడవ వారంలో ఆస్ర్టేలియన్ ఓపెన్‌లో మర్రే తొలి రౌండ్‌లో స్పెయిన్‌కు చెందిన రాబెర్టో(22వ సీడ్)తో ఆడనున్నాడు.
గత ఏడాది హిప్ సర్జరీ తర్వాత మర్రే జూన్ వరకు 14 మ్యాచ్‌లు ఆఢాడు. 2018 సెస్టెంబర్‌లో తన టెన్నిస్ సీజన్‌ను ముగించాడు. అనంతరం గాయం నుండి కోలుకోవడానికి అవసరమైన కసరత్తు చేపట్టాడు.
మర్రే 2012 యుఎస్ ఓపెన్, 2012, 2016 ఒలంపింక్ సింగిల్స్ ఛాంపియన్, 2013, 2016 వింబుల్డన్ ఛాంపియన్.
తన మొదటి గ్రాండ్ స్లామ్‌లో 2008 యుఎస్ ఫైనల్ చేరుకున్నాడు, 2012 అనంతరం మూడు గ్రాండ్ శ్లామ్ ఫైనల్స్ లో పరాజయం పాలైయ్యాడు. 2012 ఒలంపిక్స్‌లో బంగారు పతకం సాధించాడు. 2013లో లండన్‌లో వింబుల్డన్ ఛాంపియన్ షిప్ గెలుచుకున్నాడు. 77 సంవత్సరాలలో వింబుల్డన్ డెలుచుకున్న తొలి బ్రిటీష్ వ్యక్తి మర్రే. 2016లో రెండవ వింబుల్డన్ టైటిల్ గెలిచాడు. తన కెరీర్‌లో 45 టైటిల్స్ సాధించాడు.
మర్రే రిటైర్‌మెంట్!
