ఒక ఎంపీ ఏంటి..?? జగన్ పై తిరుగుబాటు చేయడం ఏంటి…? బలీయమైన పార్టీపై ఈ వ్యాఖ్యలేమిటి…? ఎమ్మెల్యేలపై ఈ సవాళ్లు ఏమిటి…? అసలు ఈ రాజకీయం ఏంటి…? ఆయన వ్యూహం, ఉద్దేశం ఏమిటి…?? ఇవే ఇప్పుడు చర్చనీయాంశాలు. రఘురామకృష్ణంరాజు ఈ పేరు వైసీపీకి ఒక ముళ్ళు బిజెపికి ఒక్క బాణం నిజానికి ఈ పార్టీలో ఎంపీ తిరుగుబాటు వ్యాఖ్యలు చేయడం సాధారణ విషయం కానీ రఘురామకృష్ణంరాజు వ్యాఖ్య ఒక వ్యూహం ఒక ప్రణాళిక దాగి ఉన్నాయి ఆయన వద్దనుండి మెసేజ్ చెయ్ బీజేపీ మనిషి తెలుగుదేశంలో ఉన్న మరే పార్టీ లో ఉన్న బిజెపితో సాహిత్యం గా ఉంటూ ఢిల్లీలో మకాం పెట్టె వారు.
ఆయన అసాధారణ వ్యక్తి…!
రఘురామ కృష్ణం రాజు ఒక అసాధారణ శక్తి. ఆయనకు చాల మంది ఎంపీ గానే తెలుసు. లేదా ఒక నాయకుడిగా తెలుసు. కానీ ఆయన ఓ జాతీయ స్థాయి వ్యాపారి. ఓ జాతీయ స్థాయిలో పెద్ద పరిచయాలున్న శక్తి. కేంద్రంలో కాంగ్రెస్ అధికారంలో ఉన్నా, బిజెపి అధికారంలో ఉన్నా ఢిల్లీలో తన వరకు హవా నడిపించగల సమర్ధుడు. అన్నిటికీ మించి ఏ లాబీయిస్టు, ఓ కన్నింగ్ రాజకీయ నేత, ఓ తెలివైన మాటకారి. ఢిల్లీ స్థాయిలో తను అనుకున్నది ఏదైనా చేసుకోగలిగిన ఏకైక ఎంపీ.
ఆయనకు వెనుక… ముందు…!!
రఘు రాముడికి ముందు ఎవరున్నారు..? వెనుక ఎవరున్నారు…?? అనేది ఇక్కడ ముఖ్యంగా తెలుసుకోవాల్సిన విషయమే. ఆయనకు అంతటి ధైర్యం ఎలా వచ్చింది..? జగన్ ని ఢీ కొనడానికి ఎలా సిద్ధమయ్యారు…? అనేది సర్వత్రా ఆలోచిస్తున్నారు. ఆయన బలం, బలగం మొత్తం బీజేపీనే. ఆయన ఏ పార్టీలో ఉన్నా బిజెపి ఆయనకు కొండంత అండ. నాడు చంద్రబాబు అధికారంలో ఉన్నప్పుడు కూడా బీజేపీతో సాన్నిహిత్యం తో ఉంటూ 2019 లో పోటీకి చక్రం తిప్పారు. కానీ తాను గెలవడం కష్టం అని తెలుసుకుని.., తన అర్ధ బలానికి తోడు పార్టీ బలం ఉండాలని తెలుసుకుని…, వైసీపీలో చేరారు. ఇప్పుడు తనకు ముందు నుండి మద్దతుగా ఉన్న బీజేపీతో జాతకట్టారని ఢిల్లీ స్థాయిలో జరుగుతున్న చర్చ. అందుకే ఆయన వ్యాఖ్యలు వ్యక్తిగతమే అయినా… ఆయన ధైర్యం, ఆయన మొండి, ఆయన తెగింపుకి మాత్రం ముందు వెనుక బిజెపి అనే శక్తి ఉంది. నడిపిస్తుంది. ధీమానిస్తుంది.