ఇప్పుడు బుల్లితెరకు, వెండితెరకు దూరం తగ్గిపోతుంది. వెండితెర నటులందరూ బుల్లితెర, డిజిటల్ మాధ్యమాల్లో నటించడానికి ఆసక్తిని చూపుతున్నారు. బుల్లి తెరపై పలు షోస్ ద్వారా పాపులారిటీని సంపాదించుకున్న నటుడు ప్రదీప్ అత్తారింటికిదారేది, 100% లవ్ సహా కొన్ని చిత్రాల్లో చిన్న చిన్న పాత్రల్లో నటించి ఆకట్టుకున్నారు. ఇప్పుడు ఈ యాంకర్ త్వరలోనే హీరోగా పరిచయం కాబోతున్నాడు. ఇక్కడ ప్రస్తావించాల్సిన విషయమేమంటే ప్రదీప్ హీరోగా రూపొందుతున్న సినిమా ఇప్పటికే చిత్రీకరణను జరుపుకుంటుందట. సుకుమార్ వద్ద దర్శకత్వ శాఖలో పని చేసిన మున్నా.. ఈ సినిమాతో దర్శకుడిగా పరిచయం అవుతున్నారు. 1947 బ్యాక్డ్రాప్తో సినిమా సాగుతుందట. అనూప్ ఈ చిత్రానికి సంగీతం అందిస్తున్నారని టాక్. త్వరలోనే సినిమాకు సంబంధించిన అధికారిక ప్రకటన వెలువడనుంది.
previous post
next post