Salaar: పాన్ ఇండియా స్టార్ ప్రభాస్, `కేజీఎఫ్` డైరెక్టర్ ప్రశాంత్ నీల్ కాంబినేషన్లో తెరకెక్కుతున్న చిత్రమే `సలార్`. ఔట్ అండ్ ఔట్ యాక్షన్ ఎంటర్టైనర్గా రూపొందుతున్న ఈ చిత్రంలో శ్రుతి హాసన్ హీరోయిన్గా నటిస్తోంది. సీనియర్ నటుడు జగపతిబాబు విలన్గా అలరించబోతున్నారు. హాంబలే ఫిలిమ్స్ బ్యానర్పై భారీ బడ్జెట్తో పాన్ ఇండియా లెవల్లో యంగ్ ప్రొడ్యూసర్ విజయ కిరాగందుర్ ఈ చిత్రాన్ని నిర్మిస్తున్నారు.
గత ఏడాది సెట్స్ మీదకు వెళ్లిన సలార్ను 2022 ఏప్రిల్ 14న విడుదల చేయబోతున్నట్లు ఎప్పుడో ప్రకటించారు. కానీ, ఆ తేదీకి సినిమా రావడం కష్టమనే చెప్పాలి. ఎందుకంటే, ఇప్పటి వరకు ఈ చిత్రం సగభాగం కూడా చిత్రీకరణను పూర్తి చేసుకోలేదు. పైగా గత కొద్ది నెలల నుంచి ఈ సినిమా నుంచి ఎటువంటి అప్డేట్ రాకపోవడంతో.. అభిమానులు మేకర్స్పై సోషల్ మీడియా వేదికగా ఏకేస్తున్నారు.
ఈ నేపథ్యంలోనే తాజాగా నిర్మాత విజయ కిరాగందుర్ `సలార్` రిలీజ్పై బిగ్ అప్డేట్ ఇచ్చారు. ఆయన మాట్లాడుతూ.. `ఈ సినిమా ఇప్పటి వరకు 30 శాతం షూటింగ్ను జరుపుకుంది. మే నుంచి కొత్త షెడ్యూల్ స్టార్ట్ కానుంది. అందుకు అన్ని ఏర్పాట్లు జరుగుతున్నాయి. ఇక వచ్చే వేసవిలో ఈ సినిమాను విడుదల చేసే ఆలోచనలో ఉన్నాము` అంటూ చెప్పుకొచ్చారు. దీంతో సలార్ సినిమా వచ్చే ఏడాది వరకు ఆగాలా అంటూ ఫ్యాన్స్ తీవ్ర అసహనం వ్యక్తం చేస్తున్నారు.
కాగా, ప్రభాస్ ఇతర ప్రాజెక్ట్స్ విషయానికి వస్తే.. ఇటీవల రాధేశ్యామ్తో ప్రేక్షకులను పలకరించిన ఈయన ప్రస్తుతం ఓం రౌత్ దర్శకత్వంలో `ఆదిపురుష్`, నాగ్ అశ్విన్తో `ప్రాజెక్ట్-కె`, సుందీప్ రెడ్డి వంగా డైరెక్షన్లో `స్పిరిట్` సినిమాలు చేస్తున్నాడు. వీటిలో ఆదిపురుష్ షూటింగ్ ఇప్పటికే కంప్లీట్ అయింది.
Aavesham OTT: డిజిటల్ స్ట్రీమింగ్ డేట్ ను కన్ఫామ్ చేసుకున్న ఆవేశం మూవీ.. ఈ రూ. 150 కోట్ల మూవీ స్ట్రీమింగ్ ఎక్కడంటే..!