NBK108: నటసింహం నందమూరి బాలయ్య బాబు అనిల్ రావిపూడి దర్శకత్వంలో సినిమా చేస్తున్న సంగతి తెలిసిందే. “NBK 108” వర్కింగ్ టైటిల్ పేరిట తెరకెక్కుతున్న ఈ చిత్రంలో హీరోయిన్ శ్రీ లీల.. బాలయ్య కూతురు పాత్రలో కనిపిస్తోంది. బాలయ్య జోడిగా కాజల్ అగర్వాల్ నటిస్తోంది. తమన్ ఈ సినిమాకి సంగీతాన్ని అందిస్తున్నాడు. తెలంగాణ నేపథ్యంలో… ఆ ప్రాంత యాసాతో కూడిన డైలాగ్ డెలివరీతో బాలకృష్ణ ఈ సినిమాలో మాస్ డైలాగ్స్ చెప్పనున్నారు. ఇదిలా ఉంటే ఇటీవల టాలీవుడ్ సినిమాలలో బాలీవుడ్ స్టార్ నటులు నటిస్తున్న సంగతి తెలిసిందే. కాగా తాజాగా ఈ సినిమాలో బాలీవుడ్ నటుడు అర్జున్ రాంపాల్ కీలక పాత్ర పోషిస్తున్నారు. తాజాగా కొత్త షెడ్యూల్ ఆయన పాల్గొనట్లు చిత్ర యూనిట్ స్పెషల్ పోస్టర్ వెల్కమ్ చెబుతూ విడుదల చేయడం జరిగింది.
ఈ సినిమాలో అర్జున్ రాంపాల్ పాత్ర చాలా పవర్ ఫుల్ గా ఉంటుందని తెలుస్తోంది. అయితే అది విలన్ పాత్ర లేదా… వేరేదా అన్నదాని విషయంలో క్లారిటీ రావాల్సి ఉంది. ఈ సినిమాకి సంబంధించిన షూటింగ్ శరవేగంగా జరుగుతోంది. ఈ దసరా పండుగకు ఈ సినిమా విడుదల కానుంది. అనిల్ రావిపూడి పంచ్ మిస్ అవ్వకుండా కామెడీ యాక్షన్ నేపథ్యంలో… కొద్దిగా సెంటిమెంటు జోడించి.. సరికొత్తగా బాలయ్యని ఈ సినిమాలో చూపించబోతున్నట్లు సమాచారం. జూన్ నెలలో బాలకృష్ణ పుట్టినరోజు కావటంతో ఈ సినిమాకి సంబంధించి టైటిల్ ప్రకటించబోతున్నట్లు సమాచారం.
ఫస్ట్ గ్లింప్స్ వీడియో కూడా అప్పుడే విడుదల చేయనున్నట్లు వార్తలు వస్తున్నాయి. ఈ సినిమాలో 60 ఏళ్ల వృద్ధుడి పాత్రలో.. తెలంగాణ ప్రాంతానికి చెందిన వ్యక్తిగా బాలయ్య చాలా పవర్ ఫుల్ రోల్ లో కనిపించనున్నట్లు ఇండస్ట్రీ వర్గాలు అంటున్నాయి. కొన్ని వారాల క్రితం ఈ సినిమాకి సంబంధించి విడుదలైన పోస్టర్ అభిమానులను ఎంతగానో ఆకట్టుకుంది. బాలయ్య మీసాలు గతంలో ఎన్నడూ లేని రీతిలో వైవిధ్యంగా ఉండటంతో సినిమా… పై అభిమానులు భారీ అంచనాలు పెట్టుకున్నారు.