Deva katta: టాలీవుడ్లో ఉన్న టాలెంటెడ్ డైరెక్టర్స్లో దేవా కట్టా ఒకరు. అయితే ఆయన కెరీర్లో చేసిన సినిమాలు తక్కువ. అందులో అందుకున్న హిట్స్ గురించి ప్రత్యేకంగా చెప్పనవసరం లేదు. దేవా కట్టా అంటే గుర్తొచ్చే సినిమా ఒక్క ప్రస్థానం మాత్రమే. ఆ తర్వాత ఆయన చేసిన సినిమాల సంఖ్య తక్కువే. వాటిలో హిట్స్ లేవనే సంగతీ తెలిసిందే. ఠక్కుమని చెప్పమంటే ఆయన సినిమాలు ఏవీ గుర్తురావు. ఇక చాలా లాంగ్ గ్యాప్ తర్వాత మెగా మేనల్లుడు సాయి ధరం తేజ్ హీరోగా రిపబ్లిక్ సినిమాను తెరకెక్కించాడు దేవా కట్టా. ఈ సినిమాకు ఆశించిన స్థాయి వసూళ్ళు దక్కలేదు.
పొల్టికల్ బ్యాక్ డ్రాప్లో రూపొందిన ఈ సినిమాకు ప్రశంసలు దక్కాయి. సాయి ధరం తేజ్, దర్శకుడు దేవా కట్టాలను ఇండస్ట్రీలోని వారందరు పొగడ్తలతో ముంచేశారు. ఇన్ని ప్రశంసలు – పొగడ్తలు దక్కిన సినిమా కమర్షియల్ సక్సెస్ సాధించలేదు. క్లియర్గా చెప్పాలంటే యావ్రేజ్ అని కూడా చెప్పలేము. అయితే ఇలాంటి సినిమాకు సీక్వెల్ తీయాలనుకుంటున్నాడు దర్శకుడు దేవా కట్టా. అంతేకాదు ఈ సీక్వెల్ సినిమాను పవర్ స్టార్ పవన్ కళ్యాణ్తో తీస్తానని ఆయనే స్వయంగా ప్రకటించాడు. ప్రస్తుతం రిపబ్లిక్ సీక్వెల్ కథ సిద్దం చేస్తున్నాడు.
Deva katta: పవన్ కళ్యాణ్ దూకుడు చూసి ఒకేసారి రెండేసి సినిమాలను పూర్తి చేస్తాడని చెప్పుకున్నారు.
అంతా బాగానే ఉంది గానీ, ఓ ఫ్లాప్ సినిమాకు సీక్వెల్ ప్రకటించడం..దాన్ని పవన్ కళ్యాణ్తో చేస్తాననడమే ఇప్పుడు షాకింగ్గా ఉంది. అసలు పవన్ కళ్యాణ్ అవకాశం ఇస్తాడా అనేది నమ్మకమే లేదు. ఎదుకంటే ఇప్పుడు ఆయన కమిటయిన సినిమాలు పూర్తి చేయడానికే గగనం అవుతోంది. ఒకవైపు రాజకీయాలలో తలమునకలై ఉంటూనే కుదిరినపుడు డేట్స్ ఇచ్చి సినిమాను పూర్తి చేస్తున్నాడు. ఆ మధ్య పవన్ కళ్యాణ్ దూకుడు చూసి ఒకేసారి రెండేసి సినిమాలను పూర్తి చేస్తాడని చెప్పుకున్నారు. కానీ, అది కుదరలేదు. అవన్నీ పూర్తవ్వాలి..అప్పుడు దేవా కట్టా సినిమా విషయం ఆలోచిస్తాడు. అది కూడా పూర్తి స్థాయిలో కథ నచ్చితేనే. లేదంటే దేవా కట్టా హోల్డ్లోనే ఉంటాడు. చూడాలి మరి ఏం జరుగుతుందో.