Mansoor Ali Khan: మన్సూర్ ను క్షమించేసిన త్రిష .. వివాదానికి తెర

Mansoor Ali Khan: గత కొద్ది రోజులుగా మన్సూర్ ఆలీఖాన్, త్రిష మధ్య నెలకొన్న వివాదానికి పురిస్టాప్ పడింది. కోలీవుడ్ నటుడు మన్సూర్ ఆలీఖాన్ .. నటి త్రిష గురించి చేసిన వ్యాఖ్యలతో వివాదంలో చిక్కుకున్న సంగతి తెలిసిందే. త్రిష పై చేసిన వ్యాఖ్యలకు తాను క్షమాపణ చెప్పనని మన్సూర్ అనడంతో జాతీయ మహిళా కమిషన్ సభ్యురాలు, నటి ఖుష్బూ తీవ్రంగా స్పందించారు. త్రిషపై మన్సూర్ చేసిన వ్యాఖ్యలను జాతీయ మహిళా కమిషన్ తీవ్రంగా పరిగణిస్తూ సుమోటోగా స్వీకరించి కేసు నమోదు చేయాలని తమిళనాడు పోలీసులకు ఆదేశించడంతో మన్సూర్ పై చెన్నై పోలీసులు కేసు కూడా నమోదు చేశారు.

దీనిపై పలువురు నటులు కూడా స్పందించారు. మన్సూర్ ఆలీఖాన్ వ్యాఖ్యలను ఖండించారు. ఈ నేపథ్యంలో  మన్సూర్ ఆలీఖాన్ వెనక్కు తగ్గి త్రిషకు క్షమాపణ తెలుపడంతో వివాదానికి తెరపడినట్లు అయ్యింది. త్రిషపై తనకు ఎలాంటి దురుద్దేశాలు లేవనీ, ఆమె పెళ్లికి వెళ్లి మంగళ సూత్రం సైతం ఇచ్చి ఆశీర్వదిస్తానని మన్సూర్ పేర్కొన్నారు. దీనిపై ఆయన పెట్టిన పోస్టు సోషల్ మీడియాలో వైరల్ అవుతోంది. దీనిపై త్రిష కూడా ఎక్స్ (ట్విట్టర్) వేదికగా స్పందించారు. తప్పులు మానవ సహజం, క్షమ అనేది దైవత్యం వంటిది, అత్యుత్తమైనది అంటూ ఎక్స్ లో ట్వీట్ చేసారు త్రిష. దీంతో ఈ వివాదానికి తెరపడినట్లు అవుతోంది.

ఇటీవల ఓ ఇంటర్వ్యూలో మన్సూర్ ఆలీఖాన్ మాట్లాడుతూ.. కేరీర్ ఆరంభం నుండి ఇప్పటి వరకూ తాను ఎన్నో రేప్ సీన్స్ లో నటించాననీ, లియోలో ఆఫర్ వచ్చిన సమయంలో త్రిషతోనూ అలాంటి సీన్ చేసే అవకాశం ఉందనుకున్నానని అలా లేకపోవడం తనను ఎంతో బాధించిందని అన్నారు. మన్సూర్ వ్యాఖ్యలపై ఆగ్రహం వ్యక్తం చేసిన కుష్పూ .. సినిమాలో పోషించిన పాత్రలనే నిజ జీవితంలోనూ మన్సూర్ ఫాలో అవుతున్నట్లు ఉన్నారని, ఆయనను చూస్తుంటే సిగ్గుగా అనిపిస్తొందని వ్యాఖ్యానించారు. దీనిపై మన్సూర్ ఆలీఖాన్ పై పోలీస్ స్టేషన్ లో కేసు నమోదు కావడం, ఇతర నటులు స్పందించడంతో ఆయన దిగివచ్చారు. మన్సూర్ తాజా స్టేట్ మెంట్ కు త్రిష కూడా స్పందించడంతో ఈ వివాదానికి తెరపడినట్లు అయ్యింది.

Barrelakka Sirisha: బర్రెలక్క పిటీషన్ తో స్వతంత్ర అభ్యర్ధుల భద్రతపైనా కీలక ఆదేశాలు ఇచ్చిన తెలంగాణ హైకోర్టు

To err is human,to forgive is divine🙏🏻

— Trish (@trishtrashers) November 24, 2023