Meenakshi Chaudhary: మాస్ మ‌హారాజ్ రవితేజ హీరోగా ర‌మేశ్ వ‌ర్మ ద‌ర్శ‌క‌త్వంలో తెర‌కెక్కిన తాజా చిత్రం `ఖిలాడి`. మీనాక్షి చౌద‌రి, డింపుల్ హయాతి హీరోయిన్లుగా న‌టించ‌గా.. అన‌సూయ, సీనియ‌ర్ హీరో అర్జున్‌, రావు ర‌మేష్ కీల‌క పాత్ర‌ల్లో క‌నిపించ‌బోతున్నారు. ఏ స్టూడియోస్, పెన్ స్టూడియోస్ బ్యాన‌ర్ల‌పై సత్యనారాయణ కోనేరు నిర్మించిన ఈ చిత్రానికి దేవిశ్రీ ప్రసాద్ సంగీతం అందించారు.
ఇటీవ‌లె షూటింగ్ పూర్తి చేసుకున్న ఈ మూవీ ఫిబ్ర‌వ‌రి 11న విడుద‌ల కాబోతోంది. ఈ నేప‌థ్యంలోనే ప్ర‌మోష‌న్స్ షురూ చేసిన మేక‌ర్స్‌.. నిన్న ట్రైల‌ర్‌ను వ‌దిలారు. అద్భుతంగా ఆక‌ట్టుకున్న ఈ ట్రైల‌ర్‌లో రవితేజ, మీనాక్షి చౌదరిల లిప్ లాక్ సీన్ హైలైట్‌గా నిలిచింది. అయితే ఈ సీన్‌పై తాజాగా మీనాక్షి బోల్డ్ కామెంట్స్ చేసింది.
ఖిలాడి ప్ర‌మోష‌న్స్‌లో భాగంగా ఓ ఇంట‌ర్వ్యూలో పాల్గొన్న ఆమె.. `నా రెండో సినిమాకే రవితేజ గారితో స్క్రీన్ షేర్ చేసుకోవ‌డం ఎంతో ఆనందంగా ఉంది. అయితే తెలుగు అంతగా రాకపోవడం వల్ల మొద‌ట్లో ఎంతో ఇబ్బంది ప‌డినా.. రవితేజ గారు ఇచ్చిన కంఫర్ట్ వల్ల నా పాత్రను సరిగ్గా చేయగలిగాను. ఇక ఈ సినిమాలో లిప్ లాక్ ఉంది .. కథకు అవసరం కనుకనే ఆ సీన్‌లో చేశాను. ఇలాంటివి కమర్షియల్ సినిమాల్లో అవి భాగమే. అందుకే ముద్దు సన్నివేశాల్లో నటించడానికి నాకు ఎలాంటి ఇబ్బంది లేదు` అంటూ మీనాక్షి చెప్పుకొచ్చింది. దీంతో ఇప్పుడీమె కామెంట్స్ సోష‌ల్ మీడియాలో వైర‌ల్‌గా మారాయి.
