Suriya-Jyothika: సౌత్ ఫిలిం ఇండస్ట్రీలో మోస్ట్ అండర్ స్టాండింగ్ అండ్ లవబుల్ కపుల్స్ లో సూర్య- జ్యోతిక జంట ముందు వరుసలో ఉంటుంది. 2006లో వీరిద్దరూ ప్రేమ వివాహం చేసుకున్నారు. అప్పటినుంచి ఈ దంపతులు ఎంతో అన్యోన్యంగా ఉంటూ ఎందరికో ఆదర్శంగా నిలుస్తున్నారు. అలాగే కెరీర్ పరంగా సూర్య ఫుల్ స్వింగ్లో దూసుకుపోతున్నాడు. బ్యాక్ టు బ్యాక్ చిత్రాలతో ప్రేక్షకులను అలరిస్తున్నాడు. మరోవైపు జ్యోతిక సైతం తన వయసుకు తగ్గా పాత్రలను ఎంచుకుంటూ నటిగా సత్తా చాటుతోంది.
నిజానికి పెళ్లి తర్వాత జ్యోతిక సినిమాలకు దూరమైంది. ఇద్దరు పిల్లలకు జన్మనిచ్చింది. పిల్లలు పెద్దవారు కావడంతో మళ్ళీ ఆమె తన యాక్టింగ్ కెరీర్ పై ఫోకస్ పెట్టింది. ఇటీవల ఆమె నటించిన బాలీవుడ్ మూవీ సైతాన్ హిట్ టాక్ అందుకుంది. అలాగే సూర్య-జ్యోతిక దంపతులు సొంతంగా నిర్మాణ సంస్థను కూడా స్థాపించారు. నటులుగానే కాకుండా నిర్మాతలుగా సైతం దూసుకుపోతున్నారు. ఇదిలా ఉంటే.. తాజాగా ఈ స్టార్ కపుల్ ఆస్తుల లెక్కలు తెరపైకి వచ్చాయి.
ఆస్తులు విషయంలో సూర్య కంటే జ్యోతికదే పై చేయి అని పలు నివేదికలు చెబుతున్నాయి. సూర్య-జ్యోతిక దంపతుల మొత్తం ఆస్తుల విలువ రూ.537 కోట్లు. ఇందులో జ్యోతిక పేరిట ఉన్న ఆస్తులు రూ.331 కోట్లు కాగా.. సూర్య రూ.206 కోట్లు విలువ చేసే ఆస్తులు కలిగి ఉన్నాడు. 2014లో సూర్య నికర విలువ రూ.125 కోట్లు అని నివేదికలు తేల్చాయి. అయితే ఈ పదేళ్లలో ఆయన ఆస్తులు దాదాపు 60 శాతం పెరగడం విశేషం.
సూర్య-జ్యోతిక దంపతులు గత ఏడాది నుంచి ముంబైలో నివాసం ఉంటున్నారు. పిల్లల చదువుల కోసం వీరు ముంబైకి షిఫ్ట్ అయ్యారు. ముంబైలో ఈ స్టార్ కపుల్ రూ.70 కోట్ల విలువ చేసే ఇంటిని కొనుగోలు చేశారు. చెన్నైలో దాదాపు ఇరవై వేల స్క్వేర్ ఫీట్స్ లో వీరికి ఓ ఖరీదైన ఇల్లు ఉంది. ఇక రూ.1.38 కోట్ల విలువైన బీఎండబ్ల్యూ 7 సిరీస్, రూ.61 లక్షల విలువైన మెర్సీడెజ్ బెంజ్, రూ.1.10 కోట్ల విలువగల జాగ్వార్, రూ.80 లక్షల ఆడీ క్యూ7 కార్లు సూర్య గ్యారేజ్ లో ఉన్నాయి.