Devara: యంగ్ టైగర్ ఎన్టీఆర్ కెరియర్ లో 30వ సినిమాగా “దేవర” చిత్రీకరణ జరుపుకుంటూ ఉంది. “RRR”తో తారక్ గ్లోబల్ స్టార్ కావటంతో ఈ సినిమా కూడా పాన్ ఇండియా నేపథ్యంలో తెరకెక్కిస్తున్నారు. కొరటాల శివ దర్శకత్వంలో “దేవర” షూటింగ్ జరుపుకుంటుంది. గతంలో ఎన్టీఆర్ తో కొరటాల తీసిన “జనతా గ్యారేజ్” బ్లాక్ బస్టర్ విజయం సాధించడం జరిగింది. దీంతో “దేవర” సినిమాపై ఎన్టీఆర్ అభిమానులు భారీ అంచనాలు పెట్టుకున్నారు. రెండు భాగాలుగా ఈ సినిమా విడుదల కాబోతోంది. వచ్చే ఏడాది ఏప్రిల్ 5వ తారీఖు “దేవర” మొదటి భాగం విడుదల చేస్తున్నట్లు అధికారిక ప్రకటన సినిమా యూనిట్ ప్రకటించడం తెలిసిందే.
అయితే ఈ సినిమా విడుదల కావడానికి సరిగ్గా నేటికి 100 రోజులు సమయం ఉండటంతో స్పెషల్ పోస్టర్ రిలీజ్ చేశారు. All hail the tiger అంటూ చిత్ర యూనిట్ ట్వీట్ చేసి “దేవర” మరో వంద రోజులలో రిలీజ్ అవుతుందని ప్రకటించారు. వాస్తవానికి న్యూ ఇయర్ సందర్భంగా సినిమా నుండి పోస్టర్ లేదా ఏదైనా అప్డేట్ వస్తుందని సోషల్ మీడియాలో ప్రచారం జరిగింది. కానీ న్యూ ఇయర్ కి ముందుగానే పోస్టర్ విడుదల చేయడం సంచలనంగా మారింది. స్టిల్ పాతదైనా గాని.. “దేవర” సినిమా యూనిట్ అప్డేట్ ఇవ్వటంతో ఫ్యాన్స్ పండగ చేసుకుంటున్నారు.
ఇటీవల ఈ సినిమా నిర్మాత కళ్యాణ్ రామ్ సినిమా షూటింగ్ 80 శాతం కంప్లీట్ అయినట్లు తెలియజేశారు. అంతేకాదు సినిమా చెప్పిన సమయానికి విడుదల చేస్తామని క్లారిటీ ఇచ్చారు. మొదటి భాగం కంప్లీట్ అయిన తరువాతే రెండో భాగం షూటింగ్ మొదలవుతుందని స్పష్టం చేశారు. ఈ క్రమంలో “దేవర” సినిమా యూనిట్ నుండి వంద రోజుల్లో సినిమా రిలీజ్ అవుతుందని పోస్టర్ విడుదల కావడం విశేషం. ఈ సినిమాలో ఎన్టీఆర్ డబల్ రోల్ చేస్తున్నట్లు టాక్. అంతేకాదు విలన్ పాత్రలో బాలీవుడ్ స్టార్ హీరో సైఫ్ అలీ ఖాన్ నటిస్తున్నారు. ఎన్టీఆర్ సరసన జాహ్నవి కపూర్ హీరోయిన్ గా నటిస్తోంది.
Aavesham OTT: డిజిటల్ స్ట్రీమింగ్ డేట్ ను కన్ఫామ్ చేసుకున్న ఆవేశం మూవీ.. ఈ రూ. 150 కోట్ల మూవీ స్ట్రీమింగ్ ఎక్కడంటే..!