ఆల్రెడీ వ‌చ్చే ఏడాది సంక్రాంతి బ‌రిలో దిగేందుకు ఇప్ప‌టికే చాలా సినిమాలు క్యూ క‌ట్టాయి. ముఖ్యంగా నంద‌మూరి బాల‌కృష్ణ `వీర సింహారెడ్డి`, మెగాస్టార్ చిరంజీవి `వాల్తేరు వీర‌య్య`, పాప్ ఇండియా స్టార్ ప్ర‌భాస్ `ఆదిపురుష్‌`, థ‌ళ‌ప‌తి విజయ్ `వార‌సుడు` చిత్రాలు సంక్రాంతికి విడుద‌ల కానున్న‌ట్లు మేక‌ర్స్ క‌న్ఫామ్ చేశారు.
అయితే సంక్రాంతికి విడుద‌ల కాబోయే సినిమాల జాబితాలో ఇప్పుడు మ‌రో చిత్రం వ‌చ్చి కూడా చేసింది. అదే `ఏజెంట్‌`. అఖిల్ అక్కినేని హీరోగా స్టైలిష్ డైరెక్టర్ సురేందర్ రెడ్డి తెర‌కెక్కిస్తున్న ఈ చిత్రంలో సాక్షి వైద్య హీరోయిన్‌గా న‌టిస్తోంది. మ‌ల‌యాళ స్టార్ మమ్ముట్టి కీలకపాత్ర పోషిస్తున్నారు.
వక్కంతం వంశీ ఈ మూవీకి క‌థ అందించ‌గా.. హిప్ హాప్ తమిజా సంగీతం అందిస్తున్నారు. ఏకే ఎంటర్‌టైన్‌మెంట్‌, సురేందర్ 2 సినిమా బ్యాన‌ర్ల‌పై రామబ్రహ్మం సుంకర పాన్ ఇండియా స్థాయిలో ఈ చిత్రాన్ని నిర్మిస్తున్నారు. ఆగ‌స్టులోనే ఈ సినిమా విడుద‌ల కావాల్సి ఉన్నా.. ప‌లు కార‌ణాల వ‌ల్ల వాయిదా ప‌డింది.
అయితే నేడు దీపావ‌ళి కానుక‌గా ఈ సినిమా నుంచి న‌యా అప్డేట్ బ‌య‌ట‌కు వచ్చింది. అదేంటంటే.. ఈ చిత్రం వ‌చ్చే ఏడాది సంక్రాంతి కానుక‌గా రిలీజ్ కానుంది. ఈ మేర‌కు మేక‌ర్స్ ఓ అధికారిక పోస్ట‌ర్‌ను వ‌దిలారు. మొత్తానికి స్టార్ హీరోల‌తో పోటీకి అఖిల్ సిద్ధం అవ్వ‌డంతో.. ఆయ‌న థైర్యాన్ని చూసి సొంత ఫ్యాన్నే షాక్ అయిపోతున్నారు.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!