అనుపమ పరమేశ్వరన్.. ఈ ముద్దుగుమ్మ త్వరలోనే `కార్తికేయ 2` మూవీతో ప్రేక్షకులను పలకరించబోతోంది. యంగ్ అండ్ టాలెంటెడ్ హీరో నిఖిల్, డైరెక్టర్ చందు మొండేటి కాంబినేషన్లో తెరకెక్కిన ఈ చిత్రాన్ని పీపుల్స్ మీడియా ఫ్యాక్టరీ, అభిషేక్ అగర్వాల్ ఆర్ట్స్ బ్యానర్లపై టీజీ విశ్వప్రసాద్, అభిషేక్ అగర్వాల్ సంయుక్తంగా నిర్మించారు.అనుపమ హీరోయిన్గా నటిస్తే.. అనుపమ్ఖేర్, ఆదిత్యా మీనన్, హర్ష చెముడు కీ రోల్స్ పోషించారు. కాలభైరవ సంగీతం అందిస్తున్నాడు. ద్వాపర యుగానికి సంబంధించిన ఒక రహస్యం చుట్టూ ఈ కథ తిరగనుంది. ఈ థ్రిల్లర్ మూవీ అనేక వాయిదాల అనంతరం ఆగస్టు 12న ప్రేక్షకుల ముందుకు వచ్చేందుకు సిద్ధం అవుతోంది.
రాత్రి పగలు అదే పని.. తన ఇబ్బందిని అర్థం చేసుకోమంటున్న అనుపమ!
అయితే ప్రచారా కార్యక్రమాల్లో భాగంగా అనుపమ పరమేశ్వరన్ తాజాగా ఓ ఇంటర్వ్యూలో పాల్గొంది. ఈ సందర్భంగా సినిమాకు సంబంధించి ఎన్నో ఇంట్రస్టింగ్ విషయాలను బయటపెట్టింది. ఈ క్రమంలోనే టాలీవుడ్ లో తనకి ఇష్టమైన నటుడు ఎవరో కూడా అనుపమ తెలిపింది.
మెగాస్టార్ చిరంజీవి అంటే తనకు ఎంతో ఇష్టం అని, ఆయనతో ఒక్కసారైనా నటించాలనుందని అనుపమ పేర్కొంది. ఆయన సినిమాలో నటించే ఛాన్స్ వస్తే చాలు.. వెంటనే ఓకె చేస్తాను అంటూ చెప్పుకొచ్చింది. మరి అనుపమ కోరిక తీరుతుందో..లేదో.. చూడాలి. కాగా, అనుపమ `కార్తికేయ 2` కాకుండా నిఖిల్తో మరో సినిమా చేస్తోంది. అదే `18 పేజెస్`. సుకుమార్ అందించిన కథతో పల్నాటి సూర్యప్రతాప్ తెరకెక్కిస్తున్న ఈ చిత్రం త్వరలోనే ప్రేక్షకులను అలరించనుంది.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!