Bigg Boss 7 Tamil: తెలుగు బిగ్ బాస్ సీజన్ సెవెన్ తో పాటు మరో పక్క తమిళ్ బిగ్ బాస్ సీజన్ సెవెన్ రన్ అవుతుంది. తమిళ్ కంటే ముందుగానే తెలుగు బిగ్ బాస్ షో స్టార్ట్ కావడం జరిగింది. తమిళ బిగ్ బాస్ సీజన్ సెవెన్ చాలా సీరియస్ గా సాగుతోంది. హౌస్ లో జరుగుతున్న గొడవలు బయట జనాలను ప్రభావితం చేస్తున్నాయి. ఈ క్రమంలో సీజన్ సెవెన్ లో పోటీదారులుగా ఎంట్రీ ఇచ్చిన వనిత విజయ్ కుమార్ కూతురు జోవిక విజయవంతంగా రాణిస్తోంది. ఈ క్రమంలో వనిత పై శనివారం రాత్రి బీకరమైన దాడి చేశారు. వనిత ముఖంపై గుర్తు తెలియని వ్యక్తులు కొట్టడంతో ఆమె ఎడమ కన్ను దగ్గర గాయం కావడం జరిగింది. ఈ విషయాన్ని స్వయంగా వనిత ఇటీవల సోషల్ మీడియాలో తెలియజేసింది.
వనిత విజయ్ కుమార్ తెలుగులో అనేక సినిమాలు చేయడం జరిగింది. ఆమె నటించిన అన్ని సినిమాల్లో “దేవి” సినిమా సూపర్ డూపర్ హిట్ అయింది. తెలుగులో తరుణ్.. ఇంకా చాలామంది స్టార్ హీరోలతో నటించింది. అయితే తన కూతురు సీజన్ సెవెన్ లో కంటెస్టెంట్ గా రాణిస్తున్న క్రమంలో కూతురికి సపోర్ట్ గా.. ఎప్పటికప్పుడు తన యూట్యూబ్ ఛానల్ లో రివ్యూ ఇస్తుంది. ఈ రకంగానే శనివారం రివ్యూ ఇచ్చి.. కారు వద్దకు వెళ్లగా గుర్తి తెలియని వ్యక్తులు ముక్కుమ్మడిగా దాడి చేయడం జరిగిందట. ఈ విషయాన్ని సోషల్ మీడియా వేదికగా తెలియజేసింది. చాలా ధైర్యంతో నేను నాపై జరిగిన దాడిని తెలియజేస్తున్నాను. బిగ్ బాస్ షో అనేది కేవలం గేమ్ షో మాత్రమే.
కానీ నాపై చాలా క్రూరంగా దాడి చేశారు అంటూ పోస్ట్ చేయడం జరిగింది. పోస్టులో వనిత మొఖం వాచిపోయింది. అంతేకాదు తనపై ప్రదీప్ ఆంటోనీ సానుభూతిపరుడే దాడి చేశాడని ఆరోపించడం జరిగింది. ప్రదీప్ కి రెడ్ కార్డు ఇస్తావా అంటూ.. తనని కొట్టడం జరిగిందని పేర్కొంది. సీజన్ సెవెన్ లో కంటెస్టెంట్లలో ప్రదీప్ ఆంటోనీ ఒకరు. ఇటీవల హోస్ట్ కమల్ హాసన్.. ప్రదీప్ కి రెడ్ కార్డు ఇచ్చి బయటకు పంపించేశారు. ప్రదీప్ నీ అర్ధాంతరంగా షో నుండి రెడ్ కార్డ్ ఇచ్చి బయటకు పంపించేయడం తమిళ సోషల్ మీడియాలో పెద్ద చర్చకు దారితీసింది. ప్రదీప్ కి సంబంధించి మద్దతుదారులు… వైల్డ్ కార్డు ద్వారా తిరిగి ప్రదీప్ నీ హౌస్ లోకి తీసుకోవాలని డిమాండ్ చేస్తున్నారు. ఈ క్రమంలో శనివారం రివ్యూ ఇచ్చాక తనపై ప్రదీప్ మద్దతుదారులే దాడులకు పాల్పడినట్లు వనిత ఆరోపణలు చేయడం కలకలంగా మారింది.