పోయిన శుక్రవారం భారీ అంచనాల నడుమ రెండు చిత్రాలు ప్రేక్షకుల ముందుకు వచ్చిన సంగతి తెలిసిందే. అందులో ఒకటే `బింబిసార`. నందమూరి కళ్యాణ్ రామ్ హీరోగా కొత్త దర్శకుడు మల్లాడి వశిష్ఠ్ తెరకెక్కించిన సోసియో ఫాంటసీ మూవీ ఇది. ఇందులో కేథరిన్ థ్రెసా, సంయుక్త మీనన్ హీరోయిన్లుగా నటించారు. ఎన్టీఆర్ ఆర్ట్స్ బ్యానర్పై కె. హరికృష్ణ నిర్మించిన ఈ చిత్రం వారం రోజుల క్రితం విడుదలై.. తొలి షో నుండే పాజిటివ్ టాక్ సొంతం చేసుకుంది.
టాక్ బాగుండటంతో ఈ చిత్రం బాక్సాఫీస్ వద్ద అదిరిపోయే కలెక్షన్స్తో దూసుకుపోతోంది. రూ. 16.20 కోట్ల బ్రేక్ ఈవెన్ టార్గెట్ తో బరిలోకి దిగిన ఈ చిత్రం.. విడుదలైన మూడు రోజుల్లోనే లాభాల బాట పట్టింది. అలాగే ఏడు రోజుల్లో రూ. 25.57 కోట్ల షేర్, రూ. 42.30 కోట్ల గ్రాస్ వసూళ్లను సాధించి.. రూ. 9.37 కోట్ల ప్రాఫిట్ తో సూపర్ స్టడీగా రన్ అవుతోంది.
ఇక ఈ మూవీతో పాటు విడుదలైన మరో చిత్రం.. `సీతారామం`. ఇదో అద్భుతమైన ప్రేమ కావ్యం. ఇందులో దుల్కర్ సల్మాన్, మృణాల్ ఠాకూర్ జంటగా నటించారు. రష్మిక, సుమంత్, గౌతమ్ మీనన్ తదితరులు కీలక పాత్రను పోషించింది. హను రాఘవపూడి దర్శకత్వంలో తెరకెక్కిన ఈ చిత్రానికీ.. మొదటి ఆట నుంచే హిట్ టాక్ దక్కింది.
దాంతో `సీతారామం` సైతం నయా కలెక్షన్స్ను సాధించి లాభాల్లో మునిగింది. ఏడు రోజుల్లో ప్రపంచవ్యాప్తంగా ఈ చిత్రం రూ. 19.18 కోట్ల షేర్, రూ, 37.80 కోట్ల గ్రాస్ కలెక్షన్స్ను వసూల్ చేసింది. సీతా రామం సినిమా బ్రేక్ ఈవెన్ టార్గెట్ రూ. 17 కోట్లు కాగా.. ఆ మార్క్ ని దాటేసిన సినిమా రూ. 2.18 కోట్ల ప్రాఫిట్ తో సూపర్ హిట్ దిశగా పరుగులు పెడుతోంది.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!