Guntur Kaaram Hanuman: తెలుగు చలనచిత్ర పరిశ్రమలో సంక్రాంతి పండుగ అతిపెద్ద వ్యాపారమని అందరికీ తెలుసు. టాలీవుడ్ లో సంక్రాంతికి బాక్సాఫీస్ వద్ద భారీ బిజినెస్ జరుగుతుంది. ఈ పండుగను ప్లాన్ చేసుకుని నిర్మాతలు సినిమాలు నిర్మిస్తుంటారు. ఆ రకంగానే ఈసారి సంక్రాంతి పండుగకు నాలుగు సినిమాలు పోటీ పడటానికి సిద్ధమయ్యాయి. ఇందులో ఇప్పటికే జనవరి 12వ తారీకు హనుమాన్, గుంటూరు కారం సినిమాలు విడుదలయ్యాయి. నేడు వెంకటేష్ నటించిన “సైంధవ్” విడుదల కావడం జరిగింది. అయితే మహేష్ “గుంటూరు కారం” భారీ అంచనాల మధ్య విడుదల అయింది. త్రివిక్రమ్ దర్శకత్వంలో గతంలో మహేష్ నటించిన అతడు, ఖలేజా రెండు సినిమాలు ప్రేక్షకులను అలరించటంతో ఈ సినిమాకి భారీ హైప్ క్రియేట్ అయింది.
దీంతో సంక్రాంతికి అత్యధిక థియేటర్లు “గుంటూరు కారం” కి లభించాయి. ఈ క్రమంలో బాల నటుడిగా మెప్పించిన తేజ సజ్జా.. హీరోగా తన ఫస్ట్ సినిమా “హనుమాన్’తో అదే రోజు విడుదల చేయటం జరిగింది. మొదటి చిన్న సినిమా అని పెద్ద సినిమాలు విడుదలవుతున్న సమయంలో వాయిదా వేసుకోవాలని “హనుమాన్” టీంని కోరిన గాని స్క్రిప్ట్ మీద నమ్మకంతో కాన్ఫిడెంట్ గా పెద్ద సినిమాలకు దీటుగా విడుదల చేశారు. అదే రీతిలో విజయాన్ని అందుకున్నారు. “హనుమాన్” అన్ని వర్గాల ప్రేక్షకులు అల్లరించే విధంగా దర్శకుడు ప్రశాంత్ వర్మ తెరకెక్కించారు. మొదటి షో పడినప్పటి నుంచే బ్లాక్ బస్టర్ టాక్ సొంతం చేసుకోంది. దీంతో మహేష్ “గుంటూరు కారం”కి “హనుమాన్” నుంచి తీవ్ర పోటీ ఎదురవుతుంది. “గుంటూరు కారం” కి పోటీగా దిగిన తేజ సజ్జా సినిమా హనుమాన్ ఇప్పుడు.. “గుంటూరు కారం” కంటే ఎక్కువ కలెక్షన్స్ రాబట్టే పరిస్థితికి దూసుకుపోయిందట.
మొదటి రోజే సూపర్ హిట్ టాక్ రావడంతో యూఎస్ఏ లో “హనుమాన్” ఏకంగా వన్ మిలియన్ డాలర్స్ కలెక్షన్స్ దిశగా సాగుతోంది. ప్రస్తుతం హనుమాన్ 500K డాలర్ల కలెక్షన్లు పొందగా.. ఇదే సమయంలో గుంటూరు కారం సినిమాకు 374K డాలర్ల కలెక్షన్లు వచ్చాయి. మహేష్ సినిమా కంటే “హనుమాన్” సినిమాకి మంచి టాక్ రావటంతో..”గుంటూరు కారం”కి కేటాయించిన థియేటర్ ల సంఖ్యా తగ్గిస్తూ…ఆ థియేటర్ లలో “హనుమాన్” ప్రదర్శితం అయ్యే పరిస్తితి నెలకొందట. అతి తక్కువ బడ్జెట్ తో తెరకెక్కించిన ఈ సినిమా పెయిడ్ ప్రీమియర్స్ విషయంలో అత్యధిక వసూలు సాధించిన ఏకైక సినిమాగా గుర్తింపు పొందింది. ఈ విషయాన్ని మేకర్స్ ట్విట్టర్ వేదికగా తెలియజేశారు. సో ఈ సంక్రాంతి రేసులో మహేష్ “గుంటూరు కారం”కి మించి “హనుమాన్”.. కలెక్షన్ల పరంగా అన్ని రకాలుగా బాక్స్ ఆఫీస్ వద్ద సత్తా చాటుతూ ఉంది.
Geetu royal: 5 నెలలుగా నరకం అనుభవిస్తున్న గీతు రాయల్.. కారణం ఇదే..!