Heroine: ఇండియన్ చిత్ర పరిశ్రమలో కొంతమంది ముద్దుగుమ్మలు స్టార్ హీరోలతో సమానంగా రెమ్యూనరేషన్ పుచ్చుకుంటూ ఆస్తులను పెంచుకుంటున్నారు. వరుస సక్సెస్ లు పడితే కోట్ల రూపాయల రెమ్యూనిరేషన్ డిమాండ్ చేస్తున్నారు. మన దేశంలో మంచి స్టార్డం ఉండి భారీగా డబ్బు సంపాదించిన హీరోయిన్స్ ఎందరో ఉన్నారు. అందులో మనందరికీ ఎక్కువగా తెలిసిన వారు ఐశ్వర్యారాయ్, ప్రియాంక చోప్రా, దీపిక పదుకొనే. ఇక రేఖ మరియు శ్రీదేవి వంటి అలనాటి నటీనటులు కూడా ఈ లిస్టులో ఉన్నారు. అయితే వీరందరి కంటే ఎక్కువ డబ్బులు సంపాదించిన హీరోయిన్ మరొకరు ఉన్నారు.
పదివేలకు పైగా చీరలు..1250 కిలోల వెండి.. 28 కిలోల బంగారం ఆమె దగ్గర ఉన్నాయి. ఆమె మరెవ్వరో కాదు.. ఒకప్పటి హీరోయిన్ జయలలిత. ఇక ఈమె ఒక హీరోయిన్ మాత్రమే కాదు తమిళనాడు దివంగత ముఖ్యమంత్రి కూడా. నటిగా రాణించిన రాజకీయ నాయకురాలిగా ఎదిగిన జయలలిత భారత దేశంలోనే అత్యంత ధనవంతురాలైన నటిగా పేరు సంపాదించుకుంది. గూడచారి 116, చిక్కడు దొరకడు, సుఖ దుఃఖాలు వంటి సినిమాలతో తెలుగు ప్రేక్షకులను అలరించింది ఈ ముద్దుగుమ్మ. 1997 నాటికి జయలలిత రాజకీయాల్లో బాగా స్థిరపడింది. ఆ సమయంలో చెన్నైలోని ఆమె పోయెస్ గార్డెన్ నివాసం పై అవినీతి నిరోధన అధికారులు దాడి జరిపారు. దాఖలు చేసిన అభియోగాల పత్రంలో.. జయలలితకు రూ. 188 కోట్లు ఆస్తి ఉన్నట్లు తెలుస్తుంది.
నిజానికి ఆమె నికర సంపాదన విలువ రూ.900 కోట్లు వరకు ఉంటుందని అధికారులు ఆరోపించారు. ద్రవ్యోల్బణం, రూపాయి విలువ పరంగా.. ఈ విలువ ఇప్పుడు భారీగా ఉంటుంది. ఈ ఆస్తుల విలువ ప్రకారం రూ. 800 కోట్ల సంపద కలిగిన ఐశ్వర్య రాయ్ కంటే ఎక్కువ. ఇతర టాప్ ఇండియన్ హీరోయిన్లు ప్రియాంక చోప్రా, దీపికా పదుకొనే, ఆలియా బట్ లు జయలలిత కంటే ఇప్పటికీ చాలానే వెనకబడి ఉన్నారు. అధికారులు జైలలిత ఇంట్లో 10,500 చీరలు, 750 జతల చెప్పులు, 91 గడియారాలు, 800 కిలోల వెండి, 28 కిలోల బంగారం స్వాధీనం చేసుకున్నారు. 2016లో మరో దర్యాప్తులో ఈమె వద్ద 1,250 కిలోల వెండి.. 21 కిలోల బంగారం ఉన్నట్లు తెలిసింది.
ఇక జయలలితకు 8 లగ్జరీ కార్లు.. 42 కోట్లు విలువైన చరాస్తులు కూడా ఉన్నాయి. జైలలిత 1948లో మైసూర్ రాష్ట్రంలోని మాండ్యలో జన్మించారు. 1961 లో కన్నడ భాష చిత్రం లో చైల్డ్ ఆర్టిస్ట్ గా నటించి ఇండస్ట్రీకి పరిచయం అయింది జయలలిత. అలా తన సినీ ప్రస్తావాన్ని మొదలుపెట్టి అనంతరం స్టార్ హీరోయిన్గా ఎదిగింది. ఇక సినిమాల్లో వచ్చిన గుర్తింపుతో ఆ తరువాత రాజకీయాల్లో అడుగుపెట్టి అందులో కూడా సక్సెస్ అయింది. అలా అటు సినిమాలతో మరియు మరోపక్క రాజకీయాలతో రెండు చేతులు నిండా సంపాదించింది. ఇక ఇప్పటివరకు కూడా జయలలిత ఆస్తులను ఢీకొట్టే హీరోయిన్స్ పొట్ట లేదని చెప్పుకోవచ్చు. మరి రానున్న జనరేషన్లో జయలలిత ఆస్తులను ఢీకొట్టే నటీనటులు ఉంటారో లేదో చూడాలి.