Article 370 OTT release: బాలీవుడ్ క్యూట్ అండ్ స్వీట్ యాక్టర్ యామి గౌతమ్ గురించి ప్రత్యేకమైన పరిచయం అవసరం లేదు. ఈ ముద్దుగుమ్మ తన అంద చందాలతో బాలీవుడ్ నే కాదు టాలీవుడ్ ని కూడా షేక్ చేసింది. బంగారు రాజు వంటి సినిమాలలో ఓ వెలుగు వెలిగిన ఈ ముద్దుగుమ్మ అతి తక్కువ సమయంలోనే మంచి క్రేజ్ సంపాదించుకుంది. ఇక ప్రస్తుతం ఈ ముద్దుగుమ్మ తాజాగా లీడ్ రోల్ లో నటించిన చిత్రం ” ఆర్టికల్ 370 “. జమ్మూ కాశ్మీర్ లో కేంద్రం రద్దు చేసిన ఆర్టికల్ 370 అనంతరం జరిగిన పరిస్థితుల ఆధారంగా ఈ సినిమా రూపొందింది.
ఆదిత్య సుహాస్ దర్శకత్వం వహించిన ఈ మూవీలో దక్షిణాది ప్రముఖ నటి ప్రియమణి ఓ కీలక రోల్ లో కనిపించింది. ఫిబ్రవరి 23న థియేటర్లో విడుదలైన ఈ మూవీ సూపర్ హిట్ రెస్పాన్స్ దక్కించుకుంది. అంతేకాకుండా బాలీవుడ్ బాక్సాఫీస్ వద్ద భారీ కలెక్షన్స్ సైతం రాబట్టింది. ఈ ఏడాది అనగా 2024లో హిందీ పరిశ్రమలో 100 కోట్లు రాబట్టిన సినిమాలలో ఆర్టికల్ 370 కూడా ఒకటిగా నిలిచింది. ఇక థియేటర్లో ఊచకోత కోసిన ఈ సినిమా ఇప్పుడు డిజిటల్ స్ట్రీమింగ్ కు సిద్ధమయింది.
ప్రముఖ ఓటీటీ సమస్త జియో సినిమా వారు ఈ మూవీ యొక్క డిజిటల్ హక్కులను దక్కించుకున్నారు. ఇక ఈ క్రమంలోనే ఓటిటి రిలీజ్ కి సంబంధించి ఓ అప్డేట్ వచ్చింది. ఫిబ్రవరి 19 నుంచి జియో సినిమాలో ఆర్టికల్ 370 సినిమా స్ట్రీమింగ్ కానున్నట్లు తెలుస్తుంది. థియేటర్లో కేవలం హిందీ వర్షన్ మాత్రమే రిలీజ్ చేశారు మేకర్స్. కానీ ఓటిటి లో మాత్రం హిందీ తో పాటు తెలుగు భాషల్లో కూడా రిలీజ్ చేయనున్నట్లు తెలుస్తుంది. బీ 62 స్టూడియోస్ మరియు జియో స్టూడియోస్ పై లోకేష్ ధర్, ఆదిత్య ధర్, జ్యోతి దేవ్ పాండే నిర్మించిన ఈ మూవీలో రాజ్ అరుణ్, శివమ్ ఖజూరియా, అర్జున్ గోపాల్ తదితరులు కీలకపాత్రలు వహించారు.
ఇక ప్రస్తుతం ఈ మూవీ కి ఓ చిక్కు నెలకుంది. గల్ప్ దేశాలన్నీ ఆర్టికల్ 370 సినిమాపై నిషేధం విధించాయి. ఇందులో అభ్యంతరకర సన్నివేశాలతో పాటు అసభ్యకర వ్యాఖ్యలు ఉన్నాయని నిషేధం విధించినట్లు తెలుస్తుంది. ఇక ఈ సినిమాని చూసిన మన దేశ ప్రధానమంత్రి నరేంద్ర మోడీ మరియు రక్షణ శాఖ మంత్రి రాజ్ నాథ్ సింగ్ తో సహా పలువురు రాజకీయ, సినీ ప్రముఖులు ప్రశంసలు కురిపించారు. మరి ఈ మూవీ ఓటిటిలో ఏ విధమైన రెస్పాన్స్ దక్కించుకుంటుందో చూడాలి.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!