Pushpa Teaser Response: టాలీవుడ్ ఇండస్ట్రీలో స్టార్ హీరోలుగా ఎంతోమంది పేరు సంపాదించుకుంటారు. కానీ వారికంటూ ప్రత్యేకమైన బిరుదు సంపాదించుకున్న వారు మాత్రమే పాన్ ఇండియా హీరోలు అవుతారు. అలా స్టైలిష్ స్టార్ గా తనకంటూ ప్రత్యేకమైన గుర్తింపును సంపాదించుకునే ప్రస్తుతం వరుస సినిమాలతో దూసుకుపోతున్న అల్లు అర్జున్ గురించి ప్రత్యేకంగా చెప్పక్కర్లేదు. పుష్ప సినిమాతో పాన్ ఇండియా హీరో అయిపోయిన బన్నీ ప్రస్తుతం పుష్పాకి సీక్వెల్ గా పుష్ప 2 షూటింగ్లో ఫుల్ బిజీగా ఉన్నాడు. ఇటీవలే బన్నీ పుట్టినరోజు సందర్భంగా టీజర్ ని రిలీజ్ చేసిన సంగతి తెలిసిందే. చీర కట్టులో టీజర్ ను మొదలుపెట్టి ఊచకోతతో ఆపాడు బన్నీ.
అలా మొదలైన ఈ మూవీ కేవలం 24 గంటల్లోనే యూట్యూబ్ లో టాప్ వన్ లో ట్రెండ్ అవుతుంది. మైత్రి మూవీ మేకర్స్ రిలీజ్ చేసిన ఈ టీజర్ ప్రస్తుతం యూట్యూబ్లో సంచలనం సృష్టిస్తుంది. కేవలం విడుదలైన కొద్దిసేపట్లోనే యూట్యూబ్లో టాప్ లో ట్రెండ్ అవడం అంటే మామూలు విషయం కాదని చెప్పుకోవచ్చు. ఇక నిన్న అనగా ఏప్రిల్ 9 విడుదల చేసిన టీజర్ ని చూస్తుంటే పుష్ప మొదటి భాగాన్నే తలదన్నే విధంగా కనిపిస్తుంది. మొదటి భాగంలో గంజాయి చుట్టూ తిరిగే కథాంశం అయితే రెండవ భాగం మాత్రం సరికొత్తగా ఉండనున్నట్లు అనిపిస్తుంది. బన్నీ గెటప్ అండ్ సెటప్ వేరే లెవల్ అని చెప్పుకోవచ్చు. ఇక దీనికి తోడు దేవిశ్రీప్రసాద్ మ్యూజిక్ కి ఎంతోమంది ఫాన్స్ ఉన్నారు.
నిజానికి దేవిశ్రీప్రసాద్ అందరి హీరోలకి తగిన న్యాయం చేస్తూ మ్యూజిక్ ఇస్తాడు. అదే బన్నీ కి అయితే గూస్బంస్ వచ్చే మ్యూజిక్ ఇస్తాడని చెప్పొచ్చు. చిన్ననాటి నుంచి వీరిద్దరూ ఫ్రెండ్స్ కావడంతో బన్నీ నటించిన ఎక్కువ శాతం సినిమాలకి దేవిశ్రీ ప్రసాద్ ని సంగీతం అందిస్తాడు. ఇప్పుడంటే తమన్ పేరు సోషల్ మీడియాలో బాగా వైరల్ అవుతుంది కానీ ఒకానొక సమయంలో దేవిశ్రీప్రసాద్ సంగీతాన్ని తలదన్నే మ్యూజిక్ డైరెక్టరే లేరు. ఇప్పటికైనా దేవిశ్రీప్రసాద్ ఇచ్చే ఆల్బమ్లను మ్యాచ్ చేయడం ఎవ్వరి వల్ల కాదు. ఈ విషయాన్ని నిన్న పుష్ప 2 టీజర్ బిజిఎంతో మరోసారి నిరూపించాడు. అల్లు అర్జున్ చీరకట్టులో ఊచకోత కోయడం ఒక ఎత్తు అయితే దేవిశ్రీప్రసాద్ ఇచ్చిన మ్యూజిక్ మాత్రం మరొక ఎత్తు.
ఆ కటౌట్ కి మరియు సీన్స్ కి మ్యూజిక్ అదుర్స్ అని చెప్పుకోవచ్చు. దీంతో విడుదల చేసిన 24 గంటల సమయంలోనే టాప్ వన్ లో ట్రెండ్ అవుతుంది పుష్ప 2 టీజర్. సుకుమార్ దర్శకత్వంలో తెరకెక్కుతున్న ఈ మూవీ లో నేషనల్ క్రష్ రష్మిక మందన హీరోయిన్గా నటిస్తుంది. ఇక ఇటీవల రష్మిక మందన పుట్టినరోజు సందర్భంగా కూడా పుష్ప 2 నుంచి తన లుక్ ను రిలీజ్ చేశారు. మొదటి భాగంలో శ్రీవల్లి చాలా డీసెంట్ లుక్ లో కనిపించిన ఈమె సెకండ్ పార్ట్ లో మాత్రం రెబల్ లుక్ లో కనిపించింది. దీంతో సినిమాపై మరిన్ని హైప్స్ పెరిగాయి. మొత్తానికి అయితే ఈ సినిమా మొదటి భాగాన్ని తలదన్ని ఈసారి నేషనల్ అవార్డు కాదు దాని బాబు లాంటి అవార్డు తెచ్చి పెడుతుందని బన్నీ ఫ్యాన్స్ ఫిక్స్ అయిపోయారు.
Mogali Rekulu: మెగా ఫ్యామిలీతో సందడి చేసిన మొగలిరేకులు ఆర్కే నాయుడు.. వైరల్ అవుతున్న ఫొటోస్..!