యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ హీరోలుగా దర్శకధీరుడు రాజమౌళి తెరకెక్కించిన బిగ్గెస్ట్ మల్టీస్టారర్ చిత్రం `ఆర్ఆర్ఆర్(రౌద్రం రణం రుధిరం)`. డివివి ఎంటర్టైన్మెంట్స్ బ్యానర్పై డివివి దానయ్య నిర్మించిన ఈ చిత్రంలో అలియా భట్, ఒలీవియా మోరిస్ హీరోయిన్లుగా నటించారు.
అజయ్ దేవ్గణ్, శ్రియా సరన్, రే స్టీవెన్సన్, అలిసన్ డూడీ తదితరులు కీలక పాత్రలను పోషించారు. హై బడ్జెట్తో ఎంతో ప్రతిష్టాత్మకంగా రూపుదిద్దుకున్న ఈ పాన్ ఇండియా చిత్రం మార్చి 25న ప్రపంచవ్యాప్తంగా విడుదలై సంచలన విజయాన్ని నమోదు చేసింది. కలెక్షన్ల పరంగా ఎన్నో రికార్డులను నెలకొల్పింది.
ఇక రీసెంట్గా ఈ చిత్రాన్ని జపాన్లో రిలీజ్ చేశారు. అక్కడ ఈ సినిమాకు ప్రేక్షకుల నుంచి మంచి రెస్పాన్స్ దక్కింది. ఇండియాలో ఆర్ఆర్ఆర్ సినిమా విడుదలై దాదాపు ఏడు నెలలు అవుతోంది. అయినప్పటికీ ఈ సినిమా క్రేజ్ ఏమాత్రం తగ్గడంలేదు. జపాన్ లో తొలి వారం ఈ సినిమా కలెక్షన్స్ బాగానే అందుకుంది.
కానీ గత పాత రికార్డులను మాత్రం బ్రేక్ చేయలేకపోయింది. ఒక వారంలో ఈ సినిమా 73 మిలియన్ జపనీస్ యెన్ లను సాధించింది. జపనీస్ లో రజనీకాంత్ ముత్తు సినిమా 400మిలియన్ జపనీస్ యెన్ లను రాబట్టి అత్యధిక కలెక్షన్స్ అందుకున్న మొదటి ఇండియన్ సినిమాగా రికార్డును క్రియేట్ చేసింది. ఈ రికార్డ్ ను `ఆర్ఆర్ఆర్` బ్రేక్ చేస్తుందని ఎన్టీఆర్-చరణ్ ఫ్యాన్స్ భావించారు. కానీ, వారికే నిరాశే ఎదరైంది.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!