sleeping time: బాగా అలసిన శరీరం నిద్రపోతే కానీ తిరిగి శక్తి పొందలేదు. మనం పడుకున్న తర్వాత నిద్రపోతాం. నిద్రలో కలలు వస్తాయిఅని అందరికి తెలుసు. కానీ నిద్ర తర్వాత మన శరీరం లోపల,బయట ఎలాంటి మార్పులు జరుగుతాయి అని అడిగితే ఎవరయినా తెలియదు అనే సమాధానం చెప్తారు. అయితే ఆ మార్పులు ఎలాంటివో తెలుసుకుందాం.
నిద్రపోయే సమయంలో శరీరం పని చేయదు కాబట్టి శరీర ఉష్ణోగ్రత తక్కువగా ఉంటుంది. ఇంకా ముఖ్యంగా 2.30గంటల సమయంలో శరీరం చాలా తక్కువ ఉష్ణోగ్రత వద్ద ఉంటుందని పరిశోధకులు తెలియచేస్తున్నారు. నిద్ర సమయంలో రెప్పలు మూసుకున్న కూడా కళ్లు మాత్రం అటు ఇటూ కదులుతూ ఉంటాయి. అయితే మనం గమనించి చూస్తే రెప్పలు మూసుకున్న తర్వాత కళ్ళు కదిలిన తర్వాత నిద్ర పడుతుంది.
రోజంతా పనిచేసిన కండరాలు ఈ సమయంలో విశ్రాంతి ని పొందుతాయి. రాత్రి సమయంలో చర్మం తన మృతకణాలను తొలగించుకోవడం తో పాటుగా కొత్త కణాలను అదే సమయంలో తయారు చేసుకుంటుంది. నిద్రపోతున్న సమయంలో శ్వాస తీసుకోవటం తప్ప గొంతుకు పెద్దగా పని ఉండదు. కాబట్టి పరిమాణం తగ్గుతుంది. అందుకే గురక రావడానికి ఇది కూడా ఒక కారణం అని అంటుంటారు.మనం నిద్రపోతున్న సమయంలో హార్మోన్లు ఉత్తేజితమవుతాయి. ఇవి రోజంతా శరీరంలో ప్రసరిస్తున్న కూడా రాత్రి నిద్ర సమయంలో కణాల ఉత్పత్తి చేస్తూ మార్పిడికి కారణమవుతాయి. మిగతా సమయాల్లో పోలిస్తే నిద్రపోతున్న సమయంలో రోగ నిరోధకత కారకాలు బాగా పనిచేస్తాయి. అయితే, మనం సరిగ్గా నిద్రపోకపోతే అవి సరిగా పని చేయకపోవడం వలన మనకు వ్యాధులు త్వరగా వస్తాయి.
నిద్రపోతున్న సమయంలో నీరు శరీరం నుండి చెమట రూపంలో బయటకు రావడం వలన మనం బరువు కాస్త తగ్గుతాం
నిద్రపోతున్న సమయంలో మనం ఆహారం తీసుకోము కాబట్టి నోటిలో లాలాజలం ఉత్పత్తి కాదు. ఈ కారణంగా నోటిలో నీటి శాతం తగ్గిపోయి నోరు పొడిబారుతుంది. దీంతో నిద్రనుంచి లేవగానే మనకు దాహం గా ఉంటుంది.
