Gorinta: గోరింటాకు పెట్టుకుంటే అరచేతులు ఎర్రగా పండుతాయని అందరికీ తెలిసిందే.. అలా ఎర్రగా పండితే చక్కటి మొగుడు వస్తాడని పెద్దలు చెబుతుంటారు.. గోరింటాకు చెట్టు వలన ఆరోగ్య ప్రయోజనాలు ఉన్నాయని కొద్ది మందికి తెలుసు.. వాస్తు శాస్త్ర ప్రకారం గోరింటాకు చెట్టు ఇంట్లో పెంచుకుంటే మంచిది. గోరింటాకు చెట్టుకు శ్రీరామచంద్రుడు ఓ వరం ఇచ్చాడట.. దాని వెనుక ఉన్న కథ ఏమిటో ఇప్పుడు మనం తెలుసుకుందాం..!
గోరింటాకు చెట్టు మన ఇంట్లో పెంచుకుంటే అష్టైశ్వర్యాలు కలుగుతాయని శ్రీరామచంద్రుడు వరమిచ్చాడు. అంతే కాకుండా ఈ చెట్టు ఉన్న ఇంట్లో గొడవలు రావని సాక్షాత్తు శ్రీరామ చంద్రుడే చెప్పాడని పెద్దల మాట. సీతాదేవి అశోకవనంలో రావణ చెర లో ఉన్నప్పుడు తనకు కలిగిన బాధను గోరింటాకు చెట్టుకు చెప్పుకునేదట. అలా తన బాధను ఆ చెట్టుకు చెప్పుకుంటే తన మనసులోని భారమంతా తగ్గిపోయేదట. మనసు ప్రశాంతంగా ఉండేదట. అలా అలా శ్రీరామచంద్రుడు వచ్చి తనను తీసుకెళ్లి ఎంతవరకూ తన గోడును చెట్టుకు చెప్పుకునేదట సీతమ్మ తల్లి.
శ్రీరామచంద్రుడు రావణ చర నుండి సీతమ్మను విడిపించి తీసుకువెళ్ళేటప్పుడు స్వామి నా మనసులో ఇన్ని రోజులు ఉన్న బాధను ఈ చెట్టుకు చెప్పుకునే దాన్ని అని సీతమ్మ తల్లి శ్రీరామచంద్రుడికి విన్నవించగా.. ఈ చెట్టును ఇంట్లో పెంచుకుంటే అష్టైశ్వర్యాలు కలుగుతాయని.. ఈ చెట్టుకు ఒక చెంబు నీరు పోస్తే సకల సంతోషాలు కలుగుతాయని ఆ ఇంట్లో కలతలు శ్రీరామ చంద్రుడు ఈ చెట్టుకి వరం ఇచ్చారని పురాణాలలో ఉంది. గోరింటాకు చెట్టుని మన ఇంట్లో పెట్టుకుని ప్రతి రోజు ఒక చెంబుడు నీళ్ళు పోస్తే సకల సంపదలు కలగడంతో పాటు కలహాలు కూడా ఉండవు.