నందమూరి బాలకృష్ణ కెరీర్ లో బ్లాక్ బస్టర్స్ గా మిగిలిన సినిమాలంటే సింహ, లెజెండ్ సినిమాలే. వరసగా ఫ్లాపుల్లో ఉన్న బాలయ్య కి బోయపాటి శ్రీను రెండు అద్భుతమైన సక్సస్ లని ఇచ్చాడు. ఇప్పుడు ఇదే కాంబినేషన్ లో మరోసారి హ్యాట్రిక్ సినిమా రూపొందుతుంది. బిబి3 అన్న వర్కింగ్ టైటిల్ తో తెరకెక్కుతున్న ఈ సినిమా కొంత టాకీ పార్ట్ జరిగాక ఆగిపోయింది. కాగా త్వరలో ఈ సినిమా మళ్ళీ సెట్స్ మీదకి వెళ్ళబోతుంది.
ద్వారక క్రియోషన్స్ బ్యానర్ మీద మిరియాల రవీందర్ రెడ్డి నిర్మిస్తున్న ఈ సినిమా మొదటి నుండి పవర్ ఫుల్ టైటిల్ ని పెట్టాలని చూస్తున్నారు. బాలయ్య క్యారెక్టర్ కి తగ్గ టైటిల్ పెట్టాలని బోయపాటి బృందం అనుకుంటున్నట్టు వార్తలు వస్తున్నాయి. కాగా సోషల్ మీడియాలో మాత్రం పలు టైటిల్స్ ప్రచారంలో నలుగుతున్నాయి. ఈ క్రమంలో గత కొన్నాళ్ళుగా ‘‘మోనార్క్” అన్న పవర్ ఫుల్ టైటిల్ ను బిబి3 కి పెట్టాలని అనుకుంటున్నారట.
ఈ టైటిల్ తో పాటు మరికొన్ని టైటిల్స్ కూడా వార్తల్లో నిలిచాయి. డేంజర్ అన్న టైటిల్ కూడా బాగా వినిపించింది. అయితే బాలయ్య సినిమా కథకు ఈ ‘‘మోనార్క్” అనే టైటిల్ పర్ఫెక్ట్ గా సరిపోతుందని.. అందుకే బోయపాటి కూడా ఈ టైటిల్ పెట్టడానికే డిసైడయ్యాడని అంటున్నారు. మరి ఇంకా ఎప్పుడు బాలయ్య సినిమాకి టైటిల్ ని ఫైనల్ చేస్తారో అని ఫ్యాన్స్ ఆతృతగా ఎదురు చూస్తున్నారు. ఒక్క టైటిల్ విషయంలోనే కాదు హీరోయిన్ విషయంలోను ఇంకా సస్పెన్స్ వీడలేదు.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!