Janasena: జనసేన కోసం తపించి పని చేసిన ప్రతి ఒక్కరికీ సముచిత గౌరవం కల్పించే బాధ్యత తీసుకుంటానని పార్టీ అధినేత పవన్ కళ్యాణ్ భరోసా ఇచ్చారు. సోమవారం విశాఖలో ఉమ్మడి జిల్లాల నాయకులతో ముఖాముఖి భేటీలు నిర్వహించారు. వీరమహిళల విభాగం ప్రాంతీయ సమన్వయకర్తలతో సమావేశమైయ్యారు. ఈ సందర్భంగా పవన్ కళ్యాణ్ మాట్లాడుతూ..రాష్ట్రంలో ప్రజలు స్పష్టమైన తీర్పు ఇవ్వబోతున్నారనీ.. మన కూటమి అధికారంలోకి వస్తొందని అన్నారు. క్షేత్ర స్థాయి నుండి మన బలాన్ని సద్వినియోగపర్చుకొంటూ కూటమిని గెలుపు దిశగా తీసుకువెళ్లేందుకు ప్రణాళికంగా వ్యవహరించాలని అన్నారు.
వ్యక్తిగతంగా నా గెలుపు గురించి కాదనీ, సమిష్టి గెలుపు కోసమే తొలి నుండి నా వ్యూహం, అడుగులు ఉంటున్నాయని తెలిపారు. 2019 తర్వాత పార్టీ బలంగా నిలిచేందుకు దోహదపడ్డ నాయకులకు అండగా ఉంటానని చెప్పారు. ప్రజారాజ్యం సమయంలో ఉన్న ఒక చిన్న పరిచయంతో ఒక నాయకుడికి 2014 తర్వాత టీటీడీ సభ్యుడిగా రెండు పర్యాయాలు పదవి ఇప్పించగలిగాననీ, అప్పటికి ఆయన మన పార్టీలోకి రాలేదని ఉహదరిస్తూ .. జనసేన కోసం నిలిచిన ఎవర్నీ విస్మరించేది లేదని అన్నారు. ఇప్పటి ఎన్నికల్లో స్థానాలు మాత్రమే కాకుండా, కూటమి ప్రభుత్వం ఏర్పడ్డాక వచ్చే అవకాశాలనూ దృష్టిలో ఉంచుకోవాలని సూచించారు.
స్థానిక సంస్థల ఎన్నికల్లో కావచ్చు. పీఏసీఎస్ ల్లో, ఇతర కీలక నామినేటెడ్ పదవుల్లో సముచిత స్థానాలు దక్కుతాయని అన్నారు. తద్వారా అందరినీ బలోపేతం చేసి ముందుకు వెళ్దామని తెలిపారు. మూడింట ఒక వంతు పదవులు దక్కించుకుందామని అన్నారు. ఆంధ్రప్రదేశ్ రాష్ట్రానికి సుస్థిర పాలన అవసరమని, అప్పుడే అభివృద్ధి సాధ్యమని, అలాంటి సుస్ధిర పాలన మన కూటమి అందించగలదని ఆర్ధిక నిపుణులు, పారిశ్రామిక వేత్తలు స్పష్టంగా చెబుతున్నారని తెలిపారు. ఇటీవల తనను కలిసిన పారిశ్రామిక వేత్తలు చెప్పిన విషయాలను ఈ సందర్భంగా పంచుకున్నారు. పార్టీ బలోపేతం.. పార్టీ పక్షాన ఎన్నికల నిర్వహణ కోసం రూ.10కోట్లు తన స్వార్ధితాన్ని నిధిగా ఇవ్వనున్నట్లు ఈ సమావేశంలో ప్రకటించారు.
కాగా, ఆదివారం రాత్రి విశాఖకు చేరుకున్న పవన్ కళ్యాణ్ తొలుత మాజీ ఎంపీ కొణతాల రామకృష్ణ నివాసానికి వెళ్లి మర్యాదపూర్వకంగా భేటీ అయ్యారు. దాదాపు గంట పాటు వారిద్దరు పార్టీ కార్యక్రమాలు, ఎన్నికల్లో అనుసరించే విధానాలపై చర్చించారు. అనంతరం విశాఖపట్నం, అనకాపల్లి నియోజకవర్గాలకు చెందిన పార్టీ ముఖ్యనేతలతో సమావేశం అయ్యారు. ఈ సమావేశంలో పార్టీ రాష్ట్ర ప్రధాన కార్యదర్శి నాగబాబు తదితరులు పాల్గొన్నారు.
BRS: బీఆర్ఎస్ కు బిగ్ షాక్ .. చేజారిన జవహర్నగర్ కార్పోరేషన్