వారం రోజుల్లో దేశం మొత్తం ఆశ్చర్యపోయేలా రైతులకు ఓ తీపి కబురు చెబుతా చెబుతానని ఊరించిన తెలంగాణ ముఖ్యమంత్రి కెసిఆర్ ఇప్పటిదాకా ఆ ఊసే ఎత్తడం లేదు.దీంతో అన్ని వర్గాలు నిరాశగా ఉన్నాయి.మే 29వ తేదీన మర్కూక్ సమీపంలో కొండపోచమ్మ సాగర్ రిజర్వాయర్ ప్రారంభోత్సవంలో కేసీఆర్ మాట్లాడుతూ అతి త్వరలో ఒక తీపి కబురు చెబుతానని ప్రకటించారు.
కానీఎలాంటి తీపి కబురు ఇప్పటివరకు కేసీఆర్ నోటి నుంచి రాకపోవడంతో వారమన్నాడు.. నెల అయితాంది ఆ తీపి కబురు ఎప్పుడు అంటూ రైతులతో పాటు ప్రజలు.. ప్రతిపక్షాలు మీడియా కూడా సందేహం వ్యక్తం చేస్తున్నారు.ఆ తీపి కబురు అంత పనికొచ్చే ముచ్చట కాదా అనే అనుమానాలు ఇప్పుడు వ్యక్తమవుతున్నాయి.
తాజాగా గురువారం నాడు ఆరో విడత హరితహారం కార్యక్రమం మెదక్ జిల్లా నర్సాపూర్ లో సీఎం కేసీఆర్ అల్లనేరేడు మొక్క నాటి ప్రారంభించారు. అనంతరం తన ప్రసంగంలో ఈ తీపి కబురు ఉంటు౦దని అందరూ భావించగా మొక్కలు నాటురి.. అడవిని పెంచుదామని చెప్పి వెళ్లిపాయె. ఎలాంటి కబురు ప్రకటించలేదు.
కేసీఆర్ ప్రకటన చేసిన తర్వాత మీడియాతో పాటు రైతులు ప్రజలు ఆ తీపి కబురుపై ఆసక్తిగా చర్చించుకున్నారు. ప్రతిపక్షాలు కూడా ఆసక్తిగా గమనించాయి. కానీ ప్రకటన చేసి నెల దాటింది. ప్రభుత్వం నుంచి ఎలాంటి ప్రకటన రాలేదు. రైతుల కోసం కేసీఆర్ తీపి కబురు అందించనే లేదు. మరోవైపు రైతులు భూ సమస్యలతో తీవ్ర ఇబ్బందులు పడుతున్నారు. ఇటీవల పెద్దపల్లి జిల్లాలో ఓ రైతు తహసీల్దార్ కార్యాలయం ఎదుట ఆత్మహత్యకు పాల్పడడం రాష్ట్రవ్యాప్తంగా సంచలనం రేపింది.
పలుచోట్ల రైతులు తీవ్ర కష్టాలు పడుతున్నారు. ఇక వ్యవసాయ పనులు మొదలయ్యాయి. కొత్తగా నియంత్రిత వ్యవసాయం అని కేసీఆర్ ప్రకటించారు. అది కొంత గందరగోళంగా ఉంది. ఎలాంటి స్పష్టత లేదు. ఈ సమయంలో కేసీఆర్ రైతులకు ఒక సందేశం ఇవ్వాల్సిన సమయం ఆసన్నమైంది. ఇప్పటికైనా కేసీఆర్ రైతులకు తీపి కబురు ప్రకటించాలని అందరూ కోరుతున్నారు.అయినా కెసిఆర్ తాను అనుకున్నప్పుడే ఏదేనా చెప్తాడు గాని మనం అడిగితే వింటారా?