Lockdown: 2020 లో కరోనా ప్రపంచ వ్యాప్తంగా తీవ్ర స్థాయిలో విజృంభిస్తున్న సమయంలో ప్రతి ఒక్క దేశం లాక్ డౌన్ వైపే మొగ్గు చూపింది. అప్పటికి వ్యాక్సిన్లు ఇంకా బయటికి రాలేదు కాబట్టి ప్రజలంతా ఇళ్లకే పరిమితం అయిపోయారు. ఇలాంటి సమయంలో కండోమ్ వాడుక భారీగా జరిగిందని ఎన్నో సర్వేలు తెలిపాయి. కండోమ్ సేల్స్ విపరీతంగా పెరిగిపోయాయి.
అయితే ఈ సారి లాక్ డౌన్ లో వచ్చిన కొన్ని రిపోర్టులు చూస్తే జనాలంతా నోర్లెళ్లబెడతారు. అసలు లాక్ పడితే ఏం జరుగుతుంది? మొగుడు పెళ్ళాలు ఇంట్లోనే ఉంటారు. సరదాలు, సరసాల కోసం కావలసినంత సమయం దొరుకుతుంది. దీని వల్ల సహజంగానే జనాభా వృద్ధి పెరుగుతుంది… కానీ అగ్రరాజ్యం అమెరికాలో మాత్రం అందుకు రివర్స్ లో జరిగింది. గత ఏడాది కాలంలోనే జనాభా రేటు బాగా తగ్గిపోవడం అందరినీ విస్మయానికి గురి చేసింది.
అమెరికాలో కూడా కోవిడ్ భారీ ప్రభావం చూపించింది. వెంటనే ఆ దేశంలో లాక్ డౌన్ విధించారు. అయితే 2020లో ఆ దేశంలో సంతానోత్పత్తి రేటు ఏకంగా నాలుగు శాతం తగ్గి పోవడం విశేషం. 2019లో 37.5 లక్షల మంది పిల్లలు జన్మించగా… 2022 లో ఈ సంఖ్య 36 లక్షలకు పడిపోయింది. ఈ మొత్తం డేటాని అమెరికాలోని సెంటర్స్ ఫర్ డిసీజ్ కంట్రోల్ వారు విడుదల చేశారు.
మామూలుగా అందరూ లాక్ డౌన్ కారణంగా సంతానోత్పత్తి పెరుగుతుందని అంచనా వేశా.రు ఇక ఇలా జరగడానికి అనేక కారణాలు ఉన్నాయని నిపుణులు చెబుతున్నారు. 1930లో కూడా దేశ ఆర్థిక వ్యవస్థ దెబ్బతిన్న సమయంలో ఇలాగే సంతానోత్పత్తి రేటు పడిపోయింది అన్న విషయాన్ని గుర్తుచేశారు.
పరిస్థితులు మెరుగు పడిన తర్వాత తమకు పిల్లలు ఉంటే మంచిదని వారి ఆలోచించారని అంటున్నారు. అలాగే ఇలాంటి సమయంలో గర్భం దాల్చడం అనేది నిజంగా రిస్క్ తో కూడుకున్న విషయం అని వారు పసిగట్టినట్లు తెలుస్తోంది.
