Microlino : ఈ కారు చూస్తేనే భలే సిత్రంగా ఉంది.. అంతేకాదు ఈ కార్ లోకి వెళ్ళడానికి , దిగడానికి ఒకే డోర్ ఉంటుంది.. ఈ సింగల్ డోర్ కార్ ఎప్పుడైనా చూశారా.. తాజాగా స్విట్జర్లాండ్ కు చెందిన మైక్రో కంపెనీ ఒక ప్రత్యేకమైన కారును తయారు చేసింది.. “మైక్రోలినో 2.0 ” Microlino 2.0 కారును స్విస్ రోడ్లపై పరీక్షిస్తుంది..
జర్మన్ లగ్జరీ కార్ బ్రాండ్ 1950వ కాలంలో విక్రయించిన ఇసెట్టా కారు నుండి స్ఫూర్తి పొంది ఈ ఎలక్ట్రిక్ కార్ ను డిజైన్ చేశారు.. ఈ ఎలక్ట్రిక్ కార్ లో ఇద్దరు మాత్రమే ప్రయత్నించగలరు. ఈ కారులో ప్రత్యేకత ఏమిటంటే వెనుక డోరు హైడ్రాలిక్ లిఫ్ట్ అప్ డోర్ లా ఉంటుంది. ఈ కారులో గేర్ బాక్స్ సెటప్ ఉండదు. అందువలన ఇందులో బెంచ్ సీట్ ను అమర్చారు. ఈ ఎలక్ట్రిక్ కార్ లో 2 బ్యాటరీ ప్యాక్ లను అమర్చారు. పూర్తి చార్జింగ్ పై ఈ బ్యాటరీ 126 కిలోమీటర్ల రేంజ్ ను అందిస్తుంది. ఎక్స్టెండెడ్ రేంజ్ వెర్షన్ పూర్తి ఛార్జింగ్ పై 201 కిలోమీటర్ల రేంజ్ ను ఆఫర్ చేస్తోంది. ఇందులో డిజిటల్ డిస్ప్లే సెట్ అప్ ఉంది. ఇది బ్యాటరీ రేంజ్ , డ్రైవింగ్ స్పీడ్ వంటి సమాచారాన్ని తెలుపుతుంది.
రద్దీగా ఉండే ఇరుకైన రోడ్లలో ఎంచక్కా ఈ బుజ్జి కార్ తో దూసుకుపోవచ్చు.. సెప్టెంబర్ 2021 నాటికి ఈ ఎలక్ట్రిక్ కార్ ను కస్టమర్లకు అందుబాటులోకి తీసుకురావాలని కంపెనీ సన్నాహాలు చేస్తోంది. భారతదేశంలో ఈ కారు ను ఎప్పుడు విడుదల చేయనుందో కంపెనీ స్పష్టత ఇవ్వలేదు.
