లక్ష్య ప్రొడక్షన్స్ బ్యానర్లో రూపొందిస్తున్న చిత్రం `2 స్టేట్స్`. చేతన్ భగత్ రాసిన నవల `2 స్టేట్స్` ఆధారంగా రూపొందుతున్న ఈ సినిమాలో అడవిశేష్, శివానీ రాజశేఖర్ నటిస్తున్నారు. వెంకట్ రెడ్డి ఈ చిత్రంతో దర్శకుడిగా పరిచయం అవుతున్నారు. ఎం.ఎల్.వి.సత్యనారాయణ (సత్తిబాబు) నిర్మాత. దాదాపు 70 శాతం షూటింగ్ పూర్తి చేసుకున్న ఈ సినిమా చిత్రీకరణ మధ్యలో దర్శకుడు నిర్మాతలకి మధ్య స్టోరీ మార్పుల విషయం లో నిర్మాత చెప్పిన మార్పులు కథకు ఏమాత్రం న్యాయం చేయలేవని నిర్మాతకు చెప్పిన వినని పక్షం లో షూటింగ్ ఆగిపోయింది. ఆ తరువాత `2స్టేట్స్` మూవీ ప్రాజెక్ట్ లో అసలేమి జరుగిగింది అనే విషయమై..
దర్శకుడు వెంకటరెడ్డి మాట్లాడుతూ “నేను ముందుగా ముంబై లోని బాలాజీ టెలి ఫిలిమ్స్లో దర్శకత్వ కోర్స్ పూర్తి చేసుకుని తరువాత స్టార్ దర్శకులు వి.వి. వినాయక్గారి దగ్గర అసిస్టెంట్ డైరెక్టర్ గా పలు చిత్రాలకు పనిచేసి, ఇప్పుడు నేను దర్శకుడిగా పరిచయం అవుతున్న చిత్రం `2స్టేట్స్`. ఈ చిత్రం మొదలవుతున్నప్పుడు హీరో హీరోయిన్ నిర్మాతలకు పూర్తి కథ వినిపించాను. షూటింగ్ మొదలు పెట్టి ఇప్పటికి మూవీ 70% పుర్తి చేసుకుంది,ఆర్టిస్టులు నిర్మాత మిగతా టెక్నీషియన్స్ అందరూ ఇప్పటి వరకు జరిగిన షూటింగ్ ఔట్ ఫుట్ విషయం లో చాలా ఆనందంగా ఉన్నారు. ఆ విషయాన్ని నిర్మాత కొన్నిరోజుల క్రితం న్యూస్ పేపర్స్ మరియు సోషల్ మీడియాలో షేర్ చేయడం జరిగింది. సినిమా బాగా వస్తున్న టైంలో నా కథను కొంతమంది పక్కదోవ పట్టించే దిశగా `2స్టేట్స్` కథలో మార్పులు చేయమని నన్ను నిర్మాత అడిగారు దానికి నేను తిరస్కరించాను. అయితే కొంతమంది కలిసి నిర్మాత ఎం.ఎల్.వి. సత్యనారాయణ నన్ను ఈ ప్రాజెక్ట్ నుండి తప్పించాలని న్యూస్ పేపర్స్ లో మరియు సోషల్ మీడియాలలో నాపై చేసిన అసత్య ప్రచారం చేస్తున్నారు. అలాగే దర్శకుడిగా తొలగించే ప్రయత్నం జరుగుతుంది అని తెలిసి నేను నిర్మాతపై కోర్ట్ లో కేసు వెశాను. కోర్టు కేసు వివరములు: O.P NO. 3 of 2019. Next day of hearing 30/5/2019.. Vacation Court C.C.C. Hyderabad సివిల్ కోర్టులో ఉన్న వేకేషన్ కోర్ట్ విచారణ అనంతరం ఈ నెల 30న 2స్టేట్స్ ప్రొడ్యూసర్ ఎం.ఎల్.వి.సత్యనారాయణ (సత్తిబాబు) ని వివరణ కోరింది.
`2స్టేట్స్
` సినిమాకు నేను దర్శకత్వం తో పాటు వన్ ఆఫ్ ది పాట్నర్ మరియు ప్రాఫిట్ హోల్డర్ని ఈ చిత్ర హక్కులు మరియు `2 స్టేట్స్` రీమేక్ రైట్స్ ముంబాయ్లో చేసిన అగ్రిమెంట్ ప్రకారం ఈ సినిమా పూర్తిగా దర్శకత్వం వహించే హక్కులు నాకు మాత్రమే ఉన్నాయి, నేను కాకుండా ఎవరైనా ఈ చిత్రాన్ని మిగతా 30% షూటింగ్ పూర్తి చేయాలని వచ్చిన దర్శకుడు కి చట్టపరంగా చర్యలు తీసుకుంటాం. అంతేకాదు `2స్టేట్స్` మూవీ కథ మార్పులు చేసి నన్ను ప్రాజెక్ట్ నుండి దూరం చేయాలనుకున్న అందరి పేర్లు మరియు మరికొన్ని విషయాలు కోర్టు వారితో సంప్రదించి త్వరలో బయట పెడతాను“ అని తెలిపారు.
Manasichi Choodu: మేము పెళ్లి కాకముందే అటువంటి పని చేశాము.. మనసిచ్చి చూడు సీరియల్ ఫేమ్ కీర్తి బోల్డ్ కామెంట్స్..!