ఆర్ఆర్ఆర్ సినిమాతో భారీ పాపులారిటీ సంపాదించుకున్న తారక్ మరియు రామ్ చరణ్ గురించి ప్రత్యేకమైన పరిచయం అవసరం లేదు. వీరిద్దరికీ ఈ మూవీ మంచి సక్సెస్ ని అందించిందని చెప్పవచ్చు. ఇక ఈ మూవీ అనంతరం ఈ ఇద్దరు హీరోలు నటిస్తున్న సినిమాలు.. దేవర మరియు గేమ్ ఛేంజర్. ఈ రెండు బిగ్గెస్ట్ ప్రాజెక్ట్ లపై తమ అభిమానులతో పాటు ఆడియన్స్ లో కూడా మంచి అంచనాలు నెలకొన్నాయి.
తారక్ హీరోగా కొరటాల శివ దర్శకత్వంలో తెరకెక్కనున్న ” దేవర ” పై ఓ రేంజ్ లో అంచనాలు ఉన్నాయి. అలానే రామ్ చరణ్ హీరోగా శంకర్ దర్శకత్వంలో తెరకెక్కనున్న ” గేమ్ ఛేంజర్” పై కూడా భారీ అంచనాలు నెలకొన్నాయి. ఇక ఈ రెండు సినిమాలు కూడా పాన్ ఇండియా రేంజ్ లో రూపొందడం గమనార్హం. ఇక ప్రస్తుతం వీరిద్దరూ ఈ సినిమాలతో సై అంటే సై అంటూ యుద్ధానికి దిగనున్నారు.
ఇక ఎన్టీఆర్ నటిస్తున్న దేవర మూవీ డైరెక్టర్ ఆచార్య అనంతరం ఈ సినిమాని భారీ రేంజ్ లో తెరకెక్కించాలని గట్టి కసరక్తులు చేస్తున్నాడు. ఇక ప్రస్తుతం ఈ రెండు సినిమాల మధ్య కంపారిజన్ మొదలైంది. ఎవరిది ఎక్కువగా బిజినెస్ జరుగుతుంది? ఎవరిది పై చేయి అవుతుంది అనేది ఎంతో ఆసక్తికరంగా మారింది. ప్రస్తుతానికి ఓవర్సీస్ రేట్స్ విషయంలో గేమ్ చేంజర్ కంటే దేవర మూవీ ముందుంది. దేవర ఓవర్సీస్ ఒక డీల్ లో రూ. 27 కోట్లకు అమ్మేలా ఒప్పందాలు జరిగినట్లు తెలుస్తుంది. ఇక వీరిద్దరి కాంబినేషన్ కి ఇది చాలా ఎక్కువ.
కానీ సినిమా కనుక సూపర్ హిట్ అయితే వసూళ్లు చాలా సులువు. హనుమాన్ మూవీ కే ఓవర్సీస్ లో ఐదు మిలియన్ డాలర్లు దాటేసి ఇప్పుడు ఆరు మిలియన్ డాలర్లు వచ్చేలా ఉంది. ఇక రామ్ చరణ్ గేమ్ చేంజర్ ఓవర్సీస్ రేట్లను ముందుగానే దిల్ రాజు ఎప్పుడో ఓ సమస్త కు రూ. 22 కోట్లకు అమ్మేశాడట. సినిమా లేట్ అవుతుందని ఆ సమస్త కంప్లైంట్ చేయడంతో వడ్డీతో సహా వాళ్ళ అమౌంట్ తిరిగి ఇచ్చేసి.. ప్రస్తుతం కొత్తగా రూ. 25 కోట్ల రేంజ్ కోట్ చేసినట్లు తెలుస్తుంది. ఏదేమైనప్పటికీ ఓవర్సీస్ విషయంలో చరణ్ కంటే ఓ చేయి పైన ఉంది ఎన్టీఆర్. మరి దానిని నిలబెట్టుకుంటాడో లేదో చూడాలి మరి.