Faria Abdullah: ఫరియా అబ్దుల్లా గరించి ప్రత్యేకంగా పరిచయాలు అవసరం లేదు. హైదరాబాదులోని బంజారాహిల్స్ లో జన్మించిన ఈ బ్యూటీ.. మోడల్గా కెరీర్ స్టార్ట్ చేసి యూట్యూబ్లో పలు వెబ్ సిరీస్ ద్వారా నటిగా మారింది. ఇక ఈమె హీరోయిన్గా చేసిన తొలి చిత్రం `జాతిరత్నాలు`. అనుదీప్ కెవి దర్శకత్వంలో రూపుదిద్దుకున్న ఈ చిత్రంలో నవీన్ పొలిశెట్టి, ప్రియదర్శి, రాహుల్ రామకృష్ణ ప్రధాన పాత్రలను పోషించారు.
2021లో విడుదలైన ఈ చిత్రం ఎంత పెద్ద విజయం సాధించిందో ప్రత్యేకంగా చెప్పక్కర్లేదు. ఇందులో చిట్టిగా ఫరియా ప్రేక్షకుల మదిని దోచేసింది. ఈ మూవీ అనంతరం మోస్ట్ ఎలిజిబుల్ బ్యాచ్లర్ లో ఓ చిన్న పాత్రను చేసిన ఫరియా.. బంగార్రాజులో ఐటెం సాంగ్ చేసింది. ప్రస్తుతం సుధీర్ వర్మ దర్శకత్వంలో రూపుదిద్దుకుంటున్న `రావణాసుర` చిత్రంలో మాస్ మహారాజ్ రవితేజకు జోడీగా ఈమె నటిస్తోంది.
- Read the latest news from NEWSORBIT
- Follow us on facebook , Twitter , instagram and Googlenews
ఈ మూవీ తప్పా ఫరియా చేతిలో మరో ప్రాజెక్ట్ లేదు. జాతిరత్నాలు వంటి భారీ హిట్ పడినా ఫరియా ఎందకో ఇక్కడ రాణించలేకపోతోంది. ఇదిలా ఉంటే.. తాజాగా ఈ భామ ఓ బంపర్ ఆఫర్ పట్టేసింది. `బిచ్చగాడు` మూవీతో కోలీవుడ్తో పాటు టాలీవుడ్లోనూ సంచలన సృష్టించిన తమిళ స్టార్ హీరో విజయ్ ఆంటోనీతో ఫరియా రొమాన్స్ చేయబోతోంది.
ప్రస్తుతం విజయ్ సుసీంద్రన్ దర్శకత్వంలో ఈ మూవీ చేస్తున్నాడు. 80లలో పీరియాడిక్ డ్రామా బ్యాక్ డ్రాప్లో రూపొందుతున్న ఈ చిత్రం పాన్ ఇండియా స్థాయిలో విడుదల కానుంది. అయితే ఈ మూవీలో విజయ్కు జోడీగా ఫరియా నటించబోతోందట. ఇప్పటికే సంప్రదింపులు కూడా పూర్తి అయ్యాయని వార్తలు వస్తున్నారు. అంతేకాదు, ఈ మూవీలో ఫరియా పల్లెటూరి యువతిగా అలరించబోతోందట. మరి ఈ వార్తలే నిజమైతే.. ఫరియా దశ కోలీవుడ్లో అయినా తిరుగుతుందా.. లేదా.. అన్నది చూడాలి.