ఒక సినిమా హిట్ అయ్యి మ‌రో భాష‌లోకి రీమేక్ అవుతుందంటే అంద‌రి క‌ళ్లూ రీమేక్ మీదే ఉంటాయి. ఇప్పుడు `96` మీద ఉన్న‌ట్టు. త్రిష, విజ‌య్ సేతుప‌తి జంట‌గా న‌టించిన చిత్రం `96`. త‌మిళంలో చాలా పెద్ద హిట్ అయింది. 1996లో ప‌దో త‌ర‌గ‌తి చ‌దివిన విద్యార్థులు జీవితాల్లో స్థిర‌ప‌డ్డాక, మ‌ళ్లీ ఒక‌సారి క‌లుసుకుంటారు. అలా క‌లుసుకున్న‌వారిలో ఓ ప్రేమ జంట ఉంటుంది. అత‌నికి పెళ్లి కాదు. ఆమె జ్ఞాప‌కాల్లోనే ఉంటాడు. కానీ ఆమె ప‌దేళ్ల కుమార్తెకు త‌ల్లి. ఇదీ టూకీగా క‌థ. ఇందులో మెచ్యూర్డ్ గా ఉన్న పాత్ర‌లతో పాటు, టెన్త్ చ‌దివే వాళ్లు కూడా ఉంటారు. తెలుగులో `96`లో మెచ్యూర్డ్ గా ఉన్న పాత్ర‌లో స‌మంత క‌నిపిస్తుంది. ఆమె చిన్న నాటి పాత్ర‌ను త‌మిళంలో న‌టించిన గౌరీ న‌టిస్తోంది. ప్ర‌స్తుతం ఈ సినిమా షూటింగ్ వైజాగ్‌లో జ‌రుగుతోంది. ఈ షెడ్యూల్లో గౌరీ న‌టిస్తోంది. త‌మిళంలో ఈ సినిమాను రూపొందించిన ద‌ర్శ‌కుడు ప్రేమ్‌కుమార్ తెలుగులోనూ రూపొందిస్తున్నారు. దిల్‌రాజు ఈ చిత్రానికి నిర్మాత. శ‌ర్వానంద్ క‌థానాయ‌కుడు.
Mogali Rekulu: మెగా ఫ్యామిలీతో సందడి చేసిన మొగలిరేకులు ఆర్కే నాయుడు.. వైరల్ అవుతున్న ఫొటోస్..!