వంద‌కోట్ల క్ల‌బ్‌లో `ఖైదీ`

త‌మిళ హీరో కార్తి హీరోగా ఈ దీపావ‌ళి తెలుగు, త‌మిళ భాష‌ల్లో విడుద‌లైన చిత్రం `ఖైదీ`. రెండు భాష‌ల్లోనూ సినిమా సూప‌ర్‌హిట్ అయ్యింది. కార్తి కెరీర్‌లోనే వంద‌కోట్ల రూపాయల మార్కును సాధించిన చిత్రంగా ఖైదీ ఓ రికార్డును సొంతం చేసుకుంది. మంచి క‌థ‌, క‌థ‌నం ఉంటే చాలు.. పెద్ద స్టార్ ఉన్నాడా? లేడా? అనే సంబంధం లేకుండా ప్రేక్ష‌కులు సినిమాకు ప‌ట్టం క‌డ‌తార‌ని `ఖైదీ` సినిమా నిరూపించింది. త‌మిళనాడులో మాత్ర‌మే సినిమా రూ.50కోట్ల వ‌సూళ్ల‌ను సాధించింద‌ని ట్రేడ్ వ‌ర్గాలు అంటున్నాయి. ఇక తెలుగు, మ‌ల‌యాళ భాష‌ల్లోనూ డిస్ట్రిబ్యూట‌ర్స్‌కు సినిమా లాభాల‌ను తెచ్చిపెట్టింద‌ని టాక్‌. లోకేష్ క‌న‌క‌రాజ్ ద‌ర్శ‌క‌త్వంలో రూపొందిన ఈ చిత్రాన్ని డ్రీమ్ వారియ‌ర్ పిక్చ‌ర్స్ బ్యాన‌ర్‌పై ఎస్‌.ఆర్‌.ప్ర‌కాష్‌బాబు, ఎస్‌.ఆర్.ప్ర‌భు నిర్మించారు.