Janhvi Kapoor: మెగా పవర్ స్టార్ రామ్ చరణ్ తేజ్ కొత్త సినిమా బుచ్చిబాబు దర్శకత్వంలో చేయబోతున్న సంగతి తెలిసిందే. “RC16” వర్కింగ్ టైటిల్ తో ఈ సినిమా షూటింగ్ జరుపుకుంటుంది. ఈ సినిమాలో రామ్ చరణ్ అథ్లెటిక్ గా కనిపించబోతున్నట్లు టాక్. పల్లెటూరు నేపథ్యంలో ఉత్తరాంధ్ర యాసలో ఈ సినిమాలో చరణ్ డైలాగులు చెప్పనున్నట్లు సమాచారం. అదేవిదంగా సినిమాలో అటువంటి వాతావరణం ఉండే విధంగా ఉత్తరాంధ్ర ప్రాంతానికి చెందిన చాలామంది నటీనటులను కొత్తవారికి అవకాశం కల్పిస్తూ… ఆడిషన్స్ నిర్వహిస్తున్నారు. ఈ సినిమాకి ఏఆర్ రెహమాన్ సంగీతం అందిస్తున్నారు.
ఈ సినిమాలో మొదటి నుండి జాన్వీ కపూర్ హీరోయిన్ అని ప్రచారం జరుగుతుంది. తాజాగా ఈ సినిమా నిర్మాణ సంస్థ మైత్రి మూవీ మేకర్స్ బ్యానర్ సోషల్ మీడియా జాన్వీ కపూర్ హీరోయిన్ అని కన్ఫర్మ్ చేస్తూ అధికారిక ప్రకటన చేయడం జరిగింది. మార్చి 6వ తారీఖు జాన్వీ కపూర్ పుట్టినరోజు నేపథ్యంలో… ఆమెకు పుట్టినరోజు శుభాకాంక్షలు తెలియజేస్తూ… చరణ్ సినిమాలో ఆమె నటిస్తున్నట్లు స్పష్టం చేశారు. ఆల్రెడీ ఎన్టీఆర్ 30వ సినిమా “దేవర”లో జాన్వీ కపూర్ హీరోయిన్. బాలీవుడ్ ఇండస్ట్రీలో సత్తా చాటిన ఈ ముద్దుగుమ్మ…సౌత్ లో రెండో సినిమా చరణ్ తో అవకాశమందుకోవటం సంచలనంగా మారింది.
జాన్వీ కపూర్ తల్లి శ్రీదేవికి సౌత్ ఫిలిం ఇండస్ట్రీలో ఎంత క్రేజ్ ఉందో అందరికీ తెలుసు. రామారావు మొదలుకొని చిరంజీవి తరం వరకు ఆమె చాలామంది టాప్ హీరోలతో నటించింది. దురదృష్టవశాత్తు 2017లో మరణించడం జరిగింది. కూతురిని హీరోయిన్ గా లంచ్ చేసినా గాని… జాన్వీ కపూర్ నటించిన మొదటి సినిమా శ్రీదేవి చూడలేకపోయారు. ఆమె కూతురుగా జాన్వీ కపూర్.. మంచి ఇమేజ్ సొంతం చేసుకుని ఇప్పుడు సినిమా ఇండస్ట్రీలో అద్భుతమైన నటనతో రాణిస్తుంది. ఈ క్రమంలో తెలుగులో రెండో ఛాన్స్ రామ్ చరణ్ తో అందుకోవటంతో..”RC16″ పై అంచనాలు మరింతగా పెరిగాయి.
Geetu royal: 5 నెలలుగా నరకం అనుభవిస్తున్న గీతు రాయల్.. కారణం ఇదే..!