Balakrishna: బాలయ్యతో పెద్ద ప్రయోగమే చేస్తున్నాను: అనిల్ రావిపూడి

Balakrishna: బాలయ్య మంచి ఫామ్ లో వున్నాడు. అవును… ఇటీవల రిలీజైన అఖండ సినిమాతో బాక్షాఫీస్ ని ఖండఖండాలుగా కోసేశాడు బాలయ్య. దాంతో ఎక్కడెక్కడో మూలన దాక్కొన్న అభిమానులు కూడా లేచి వచ్చారు. ప్రస్తుతం బాలయ్య హవా కొనసాగుతోంది. అందుకే పలు దర్శక నిర్మాతలు అతనితో సినిమాలు చేయడానికి ఎగబాకుతున్నారు. ఇలాంటి తరుణంలో అలాంటి గోల్డెన్ ఛాన్స్ కొట్టేసాడు అనిల్ రావిపూడి. ఈ సందర్భంగా ఓ మీడియా వేదికగా మాట్లాడిన అనిల్ బాలయ్య సినిమా గురించి పలు ఆసక్తికరమైన విషయాలను షేర్ చేసుకున్నాడు.

• Read the latest news from NEWSORBIT
•  Follow us on facebook  , Twitter ,  instagram  and  Googlenews

Balakrishna: బాలయ్య సినిమాలో ఇవి మెండుగా ఉంటాయి:

బాలయ్య సినిమా అంటేనే జాతర. మాస్ ఆడియన్స్ కి ఏమేమి కావాలో అవన్నీ బాలయ్య సినిమాలో దట్టిస్తారు దర్శకులు. యాక్షన్ .. ఎమోషన్ .. కామెడీ .. ఇవన్నీ కూడా ఆయన సినిమాల్లో ఉంటాయి. అందువల్లనే ఆయన సినిమాలకి అన్నివర్గాల ప్రేక్షకుల నుంచి ఆదరణ లభిస్తోంది. ఇకపోతే త్రివిక్రమ్ తరువాత మన తెలుగు సినిమా పరిశ్రమలో ఆ స్థాయి దర్శకుడుగా పేరు గాంచినవాడు అనిల్ రావిపూడి. కెరియర్ ను మొదలుపెట్టిన దగ్గర నుంచి ఇంతవరకూ ఫ్లాప్ నీడను కూడా తన వైపుకు రానీయకుండా అనిల్ రావిపూడి ముందుకు వెళుతున్నాడు

• Read the latest news from NEWSORBIT
•  Follow us on facebook  , Twitter ,  instagram  and  Googlenews

బాలయ్యతో చేస్తోంది పెద్ద ప్రయోగమే:

తాజా ఇంటర్వ్యూలో అనిల్ రావిపూడి మాట్లాడుతూ .. “బాలకృష్ణ గారితో సినిమా చేసే అవకాశం రావడం నిజంగా అదృష్టంగా భావిస్తున్నాను. తండ్రీకూతుళ్ల అనుబంధానికి అర్థం చెప్పే కథని అతని ద్వారా చెప్పబోతున్నాను. ఈ సినిమాలో ఓ 50 ఏళ్ల తండ్రి పాత్రలో బాలయ్య కనిపిస్తారు. ఆయన కూతురి పాత్రలో శ్రీలీల కనిపిస్తుంది. ఆ తండ్రి ఆ కూతురితో ఎలా ఉంటాడు? ఆ కూతురు కోసం ఏం చేస్తాడు? అనే అంశం ప్రధానంగా ఈ కథ నడుస్తుంది. కథ వినగానే బాలయ్య చాలా ఆసక్తిని కనబరిచారు. ఈ సినిమాను చేయడానికి ఉత్సాహాన్ని చూపించారు. కానీ ఓ రకంగా ఇది సాహసమనే అనుకోవాలి. ఓ మాస్ హీరోతో ఫక్తు సెంటిమెంట్ సినిమా చేస్తున్నాను… అని అన్నారు.