Pawan kalyan: టాలీవుడ్‌లో ఎక్కువ రీమేక్ సినిమాలను చేసి హిట్స్ అందుకున్న హీరో అంటే విక్టరీ వెంకటేశ్ అని అందరూ చెప్పుకునేవారు. ఇప్పటి వరకు వెంకీ చేసిన సినిమాలలో నిజంగానే సగానికిపైగా రీమేక్ కథలతో వచ్చినవే. రాజా, వసంతం, శీను, సంక్రాంతి, ఇటీవల వచ్చిన దృశ్యం సీక్వెల్స్, నారప్ప, వీటికి ముందు వచ్చిన గోపాల గోపాల, గురు..లాంటి చాలా సినిమాలు వెంకీ రీమేక్ చేసినవే. అందుకే ఆయనను రీమేక్ కింగ్ అని ఇండస్ట్రీలో అంటుంటారు. కథ నచ్చితే వెంకటేశ్ దాన్ని రీమేక్ చేయడానికి ఏమాత్రం వెనకాడడు. ఆ సినిమాలతో బాగా కలిసి రావడమే ఇందుకు కారణం.
అయితే, కెరీర్ ప్రారంభం నుంచి పవన్ కళ్యాణ్ కూడా చాలానే రీమేక్ సినిమాలలో నటించారు. ఇప్పటి వరకు పవన్ నటించిన సినిమాలలో కొన్ని రీమేక్ మూవీస్ కూడా ఉండటం..అవి భారీ విజయాలను అందివ్వడం జరిగింది. ఇటీవల వచ్చిన మాస్ ఎంటర్‌టైనర్ భీమ్లా నాయక్ సినిమా మలయాళంలో వచ్చిన అయ్యప్పనుమ్ కోషియుమ్ కు అఫీషియల్ రీమేక్. దీనికి ముందు వచ్చిన వకీల్ సాబ్ కూడా బాలీవుడ్‌లో అమితాబ్ నటించిన పింక్ సినిమాకు రీమేక్ అని తెలిసిందే. ఈ రెండు సినిమాలతో పవన్ భారీ హిట్స్ అందుకున్నారు. అందుకే, ఇప్పుడు పవన్ కళ్యాణ్‌ను రీమేక్ స్టార్ అని అంటున్నారు.
Pawan kalyan: అవగహాన లేకనే ఈ మాటాలన్నీ..!
ఈ సినిమాల వల్లనే కాదు..ఆయన గత సినిమాలు కూడా కొన్ని రీమేక్‌గా వచ్చినవే ఉన్నాయి. పవన్ కళ్యాణ్ హీరోగా నటించిన మొదటి సినిమా ‘అక్కడ అమ్మాయి ఇక్కడబ్బాయి’..’ఖయామత్ సే ఖయామత్’ ఆధారంగా రూపొందించారు. ‘గోకులతిల్ సీతై’ ఆధారంగా..గోకులంలో సీత సినిమా వచ్చింది.ఇక ‘తమ్ముడు’ చిత్రాన్ని హిందీలో ఘన విజయం సాధించిన ‘జో జీతా వహీ సికందర్’ ఆధారంగా నిర్మించారు. ఖుషి, బంగారం, అన్నవరం, గబ్బర్ సింగ్ లాంటి చాలా సినిమాలు పవన్ ఇతర భాషల నుంచి రీమేక్ చేసినవే. అందుకే ఇలా రీమేక్ స్టార్ అంటున్నారు. అయితే..ఒక భాషలో హిట్
అయిన సినిమాను మళ్ళీ రీ మేక్ చేసి హిట్ కొట్టడం అంటే ఎంత కష్టమో అవగహాన లేకనే ఈ మాటలన్నీ అని అభిమానులు చెప్పుకుంటున్నారు.
Geetu royal: 5 నెలలుగా నరకం అనుభవిస్తున్న గీతు రాయల్.. కారణం ఇదే..!