Khushi: విజయ్ దేవరకొండ..సమంత కాంబినేషన్ లో తెరకెక్కిన “ఖుషి” సెప్టెంబర్ మొదటి తారీకు రిలీజ్ కాబోతున్న సంగతి తెలిసిందే. ప్రేమ కథ నేపథ్యంలో శివ నిర్వాణ ఈ సినిమాని డైరెక్ట్ చేయడం జరిగింది. సినిమా విడుదల తేదీ దగ్గర పడటంతో సినిమాకి సంబంధించి ప్రమోషన్ కార్యక్రమాలు చురుగ్గా జరుగుతున్నాయి. తెలుగులో ఇప్పటివరకు కొత్త సినిమాలకు జరిగిన ప్రమోషన్ కార్యక్రమాలకు భిన్నంగా “ఖుషి” సినిమా ప్రమోషన్స్ జరుగుతున్నాయి. ఖుషి మ్యూజికల్ కన్సర్ట్ ఈవెంట్ లో విజయ్ దేవరకొండ చొక్కా విప్పేసి సమంతాన్ని గాలిలో ఎత్తి తిప్పుతూ.. డాన్స్ చేయటం తెలిసిందే. అయితే ఇప్పుడు అర్ధరాత్రి ఒంటిగంటకు సమంత మరియు విజయ వీడియో కాల్ మాట్లాడుతున్నట్లుగా ఓ వీడియోను సోషల్ మీడియాలో పోస్ట్ చేశారు.
ఇందులో నాక్ – నాక్ గేమ్ ఆడిన హీరో హీరోయిన్లు సినిమా విడుదల అవుతున్నట్లు ప్రేక్షకులకు గుర్తు చేశారు. ఈ వీడియో సోషల్ మీడియాలో వైరల్ అవుతుంది. వరుస పరాజయాలతో సతమతమవుతున్న విజయ్ దేవరకొండ “ఖుషి” సినిమాపై బోలెడన్ని ఆశలు పెట్టుకోవడం జరిగింది. విజయ్ దేవరకొండ హిట్టు అందుకుని చాలా కాలం అయిపోయింది. అర్జున్ రెడ్డి, గీత గోవిందం తర్వాత పలు సినిమాలతో విజయాలు అందుకున్న.. విజయ్ దేవరకొండ గత మూడు సంవత్సరాలు నుండి సరైన హిట్టు లేక అనేక ఇబ్బందులు ఎదుర్కొంటున్నారు. గత ఏడాది డాషింగ్ డైరెక్టర్ పూరి జగన్నాథ్ దర్శకత్వంలో వచ్చిన “లైగర్” బాక్సాఫీస్ వద్ద పరాజయం పాలు కావటం తెలిసిందే.
పాన్ ఇండియా నేపథ్యంలో తెరకెక్కిన ఈ చిత్రం ప్రేక్షకులను ఏమాత్రం అలరించలేదు. దీంతో విజయ్ దేవరకొండ తన కెరియర్ లో ఎప్పుడు కలిసి వచ్చే రొమాంటిక్ జోనర్ ఎంచుకుని ఈ “ఖుషి” ప్రాజెక్ట్ చేయడం జరిగింది. ఈ సినిమాకి సంబంధించి ప్రివ్యూ షోస్ కి పాజిటివ్ టాక్ రావటంతో సినిమా హిట్ అయినట్లే అనే టాక్ ఇండస్ట్రీలో విన్నపిస్తుంది. ఇంకా సినిమా విడుదల అవడానికి నాలుగు రోజులు టైం ఉండటంతో ప్రమోషన్స్ స్పీడ్ పెంచేశారు. తెలుగుతోపాటు సౌత్ లో మరికొన్ని భాషల్లో ఈ సినిమా విడుదలవుతోంది.
Knock knock
Who is there?#Kushi is – in 4 days! Yayyyy! 🥰@Samanthaprabhu2 pic.twitter.com/9lfNfxPbGk— Vijay Deverakonda (@TheDeverakonda) August 27, 2023
Geetu royal: 5 నెలలుగా నరకం అనుభవిస్తున్న గీతు రాయల్.. కారణం ఇదే..!