Lavanya Tripathi: మెగా ప్రిన్స్ వ‌రుణ్ తేజ్‌, ప్ర‌ముఖ హీరోయిన్‌ లావణ్య త్రిపాఠిలు ప్రేమలో ఉన్నార‌ని, త్వ‌ర‌లోనే పెళ్లి కూడా చేసుకోబోతున్నార‌ని గ‌త కొద్ది రోజుల నుంచీ జోరుగా ప్ర‌చారం జ‌రుగుతున్న సంగ‌తి తెలిసిందే. మొన్నీ మ‌ధ్య లావణ్య ఈ విష‌యంపై ప‌రోక్షంగా స్పందించిన‌ప్ప‌టికీ.. ప్ర‌చారం మాత్రం ఆగ‌లేదు. దీంతో లావణ్య లైవ్ చాట్‌లో ఓపెన్‌గానే క్లారిటీ ఇచ్చింది. పూర్తి వివ‌రాల్లోకి వెళ్తే..
సోష‌ల్ మీడియాలో యాక్టివ్‌గా ఉండే లావణ్య త్రిపాఠి.. తన ఫాలోవ‌ర్స్‌తో ముచ్చ‌టించేందుకు తాజాగా లైవ్ చాట్ చేసింది. ఈ క్ర‌మంలోనే త‌న‌కు సంబంధించిన ఎన్నో విష‌యాల‌ను షేర్ చేసుకుంది. అయితే ఓ నెటిజ‌న్ వ‌రుణ్ తేజ్‌తో పెళ్లి ప్ర‌స్తావ‌న తీసుకురాగా.. అందుకు లావణ్య `నా పెళ్లి ఎవరితో అనేది ఇంతవరకు నాకే తెలియదు. నా గురించి నాకు తెలియని విషయం వేరే వాళ్లకు ఎలా తెలుస్తుందో` అంటూ త‌న‌దైన శైలిలో బ‌దులిచ్చింది.
దాంతో `కేవలం పెళ్లి వార్తలనే ఖండిస్తున్నారా? లేక ఎవరితోనూ ప్రేమలో లేనని చెబుతున్నారా..?` అనే మరో ప్రశ్నను సంధించ‌గా.. దానికి లావణ్య ఎలాంటి స‌మాధానం ఇవ్వ‌లేదు. కాగా, లావణ్య సినిమాల విష‌యానికి వ‌స్తే.. ప్ర‌స్తుతం ఈ బ్యూటీ రితేష్ రానా ద‌ర్శ‌క‌త్వంలో `హ్యాపీ బర్త్‌డే` అనే సినిమాలో న‌టిస్తోంది. క్లాప్ ఎంటర్‌టైన్‌మెంట్, మైత్రీ మూవీ మేకర్స్ వారు నిర్మిస్తున్న ఈ చిత్రానికి కాలభైరవ సంగీతం అందిస్తున్నారు. ప్ర‌స్తుతం శ‌ర‌వేగంగా షూటింగ్ జ‌రుపుకుంటున్న ఈ చిత్రం త్వ‌ర‌లోనే విడుద‌ల కానుంది.
Family Star OTT Response: థియేటర్లలో అట్టర్ ఫ్లాప్.. ఓటీటీలో టాప్ లో ట్రెండింగ్.. థియేటర్లలోనే ఆడాలా ఏంటి? అంటున్న ఫ్యామిలీ స్టార్..!