Malavika Mohanan: మాళవిక మోహనన్.. ఈ బ్యూటీ గురించి పరిచయాలు అవసరం లేదు. హిందీ, మలయాళ చిత్రాలతో సినీ కెరీర్ స్టార్ట్ చేసిన ఈ బ్యూటీ.. రజనీకాంత్ `పేట` సినిమాతో కోలీవుడ్లోకి అడుగు పెట్టింది. ఆ వెంటనే తమిళ స్టార్ విజయ్ దళపతి హీరోగా లోకేష్ కనకరాజ్ దర్శకత్వంలో రూపుదిద్దుకున్న `మాస్టర్` మూవీలో హీరోయిన్గా నటించింది.
ఈ సినిమాతో తమిళంతో పాటు తెలుగులోనూ రిలీజ్ కావడంతో.. మాళవికకు టాలీవుడ్లోనూ మంచి క్రేజ్ ఏర్పడింది. ఇక ఇటీవల `మారన్` అనే ద్విభాషా చిత్రంతో ప్రేక్షకులను పలకరించిన మాళవిక.. సోషల్ మీడియాలో సూపర్ యాక్టివ్గా ఉంటూ అదిరిపోయే ఫొటో షూట్లతో నెటిజన్లకు మత్తెక్కిస్తుంటుంది.
- Read the latest news from NEWSORBIT
- Follow us on facebook , Twitter , instagram and Googlenews
అలాగే తరచూ తన ఫాలోవర్స్తో ముచ్చట్లు పెట్టే ఈ భామ.. తాజాగా `ఆస్క్ మాళవిక` అనే చిట్ చాట్ సెషన్ నిర్వహించింది. ఈ సందర్భంగా నెటిజన్లు అడిగిన అన్ని ప్రశ్నలకు తనదైన శైలిలో ఆమె సమాధానాలు ఇచ్చింది. ఈ క్రమంలోనే ఓ నెటిజన్.. `కోలీవుడ్లో రజినీకాంత్, విజయ్ దళపతి వంటి స్టార్స్తో స్క్రీన్ షేర్ చేసుకున్న మీరు.. టాలీవుడ్లో ఈ హీరోతో కలిసి నటించాలని కోరుకుంటున్నారు..? ` అని ప్రశ్నించాడు.
అందుకు టాలీవుడ్ రౌడీ బాయ్ విజయ్ దేవరకొండ అని సమాధానం ఇచ్చిన మాళవిక.. అక్కడితో ఆగకుండా ఆయనతో ఓ రొమాంటిక్ మూవీ చేయాలనుంది అంటూ ఓపెన్ కామెంట్స్ చేసింది. దీంతో ఆమె కామెంట్స్ కాస్త నెట్టింట వైరల్గా మారాయి. కాగా, గతంలో వీరిద్దరి కాంబోలో `హీరో` అనే మూవీ ప్రారంభమై ఆగిపోయింది. మరి విజయ్తో రొమాన్స్ చేసే ఛాన్స్ మాళవికకు మళ్లీ వస్తుందో లేదో చూడాలి.
Mogali Rekulu: మెగా ఫ్యామిలీతో సందడి చేసిన మొగలిరేకులు ఆర్కే నాయుడు.. వైరల్ అవుతున్న ఫొటోస్..!