Nani: అభిమానుల‌కు అదిరిపోయే గుడ్ న్యూస్ చెప్పిన నాని!

Nani: గ‌త కొంత కాలం నుంచీ వ‌రుస ఫ్లాపుల‌తో స‌త‌మ‌తం అవుతున్న న్యాచుర‌ల్ స్టార్ నాని.. ఇటీవ‌ల విడుద‌లైన `శ్యామ్ సింగ‌రాయ్‌`తో సూప‌ర్ హిట్‌ను ఖాతాలో వేసుకుని మ‌ళ్లీ స‌క్సెస్ ట్రాక్ ఎక్కిన సంగ‌తి తెలిసిందే. ఇప్పుడీయ `అంటే.. సుంద‌రానికీ!`తో ప్రేక్ష‌కుల‌ను ప‌ల‌క‌రించేందుకు సిద్ధం అవుతున్నాడు.

వివేక్‌ ఆత్రేయ దర్శకత్వం వహిస్తున్న ఈ చిత్రాన్ని మైత్రీ మూవీ మేకర్స్‌ బ్యానర్‌పై నవీన్‌ యెర్నేని, వై.రవిశంకర్‌లు సంయుక్తంగా నిర్మిస్తున్నారు. ఇందులో నాని స‌ర‌స‌న మలయాళ ముద్దుగుమ్మ నజ్రియా నజీమ్ హీరోయిన్‌గా న‌టించింది. ఇప్ప‌టికే షూటింగ్ కంప్లీట్ చేసుకున్న ఈ చిత్రం జూన్ 10న గ్రాండ్‌గా విడుద‌ల కానుంది.

• Read the latest news from NEWSORBIT
•  Follow us on facebook  , Twitter ,  instagram  and  Googlenews

రిలీజ్ ద‌గ్గ‌ర ప‌డుతున్న త‌రుణంలో సినిమాకు సంబంధించి వ‌రుస అప్డేట్స్‌ను బ‌య‌ట‌కు వ‌దులుతూ భారీ హైప్ క్రియేట్ చేస్తున్నారు. ఇక తాజాగా నాని ఈ మూవీకి సంబంధించి ఓ అదిరిపోయే గుడ్‌న్యూస్‌ను త‌న అభిమానులకు తెలియ‌జేశారు. ఇంత‌కీ విష‌యం ఏంటంటే.. ఫ్యాన్స్ మ‌రియు మూవీ ల‌వ‌ర్స్ ఎప్పుడెప్పుడా అని ఎదురు చూస్తున్న `అంటే.. సుంద‌రానికీ!` ట్రైల‌ర్ వ‌చ్చేస్తుంది.

మే 30వ తేదీ ఉదయం 11 గంటల 7 నిమిషాలకు మూవీ ట్రైలర్ ను విడుద‌ల చేయ‌బోతున్నారు. ఈ మేర‌కు మేక‌ర్స్ ఓ పోస్టర్‌ను బ‌య‌ట‌కు వ‌దిలారు. దీంతో ఫ్యాన్స్ ఫుల్ ఖుషీ అయిపోతున్నారు. కాగా, రొమాంటిక్ కామెడీ ఎంట‌ర్టైన‌ర్‌గా తెర‌కెక్కిన ఈ చిత్రంలో నాని బ్ర‌హ్మ‌ణ యువ‌కుడి పాత్ర‌లో న‌టించ‌గా, న‌జ్రియా క్రిస్టియ‌న్ అమ్మాయిగా అల‌రించ‌బోతోంది.

Leela and Sundar are coming to take you along on their joyous journeys ❤️#AnteSundaraniki, #AdadeSundara, #AhaSundara Trailer update on May 30 at 11:07 AM 💥💥

Natural Star @NameisNani #NazriyaFahadh #VivekAthreya @oddphysce @nikethbommi @SVR4446 @saregamasouth pic.twitter.com/vMIkFgh2BG

— Mythri Movie Makers (@MythriOfficial) May 28, 2022