Nayanthara: లేడీ సూప‌ర్ స్టార్ నయనతార తల్లి కాబోతంద‌ట. ప్ర‌స్తుతం ఈ విషయాన్ని కోలీవుడ్ మీడియా కోడై కూస్తోంది. గ‌త కొన్నేళ్ల నుంచి నయన్ కోలీవుడ్ డైరెక్ట‌ర్ విఘ్నేష్ శివన్ ప్రేమాయ‌ణం న‌డిపిస్తున్న సంగ‌తి తెలిసిందే. గ‌త ఏడాది ఈ జంట నిశ్చితార్థం కూడా చేసుకున్నారు. కానీ, పెళ్లి ఊసే ఎత్త‌డం లేదు. మొన్నీ మ‌ధ్య నయన్, విఘ్నేష్‌లు ఓ అమ్మవారి దేవాలయానికి వెళ్లారు.
అక్కడ పూజ ముగించుకున్న అనంత‌రం నయనతార నుదుటిన కుంకుమ పెట్టుకుని దర్శనమిచ్చింది. దీంతో విఘ్నేష్‌తో నయన్ పెళ్లి అయిపోయిందని, అయితే ఆ విషయాన్ని వారు బ‌య‌ట‌కు చెప్ప‌డం లేదంటూ ప్ర‌చారం మొద‌లైంది. ఇక ఇప్పుడు మ‌రో క్రేజీ టాక్ బ‌య‌ట‌కు వ‌చ్చింది. అదే నయనతార ప్రెగ్నెన్సీ.
సరోగసి ద్వారా తల్లి కావాలని నయనతార భావిస్తుంద‌ట. దీనికి విఘ్నేష్ కూడా గ్రీన్‌ సిగ్నల్‌ ఇవ్వడంతో.. ప్ర‌స్తుతం ఆ దిశ‌గా ప్ర‌య‌త్నాలు చేస్తున్నార‌ని తమిళ మీడియా, వెబ్‌సైట్‌లలో జోరుగా ప్ర‌చారం జ‌రుగుతోంది. ఈ ప్ర‌చారంతో ఫ్యాన్స్ అయోమ‌యంలో ప‌డ్డారు. మ‌రి నిజంగానే సరోగసి ద్వారా నయన్-విఘ్నేష్ తల్లిదండ్రులు కాబోతున్నారా..? లేక సోష‌ల్ మీడియాలో జ‌రుగుతున్న ప్ర‌చారం పుకారేనా..? అన్న‌ది తెలియాల్సి ఉంది.
కాగా, నయనతార సినిమాల విష‌యానికి వ‌స్తే.. తెలుగులో ఈమె చిరంజీవి హీరోగా మోహ‌న్ రాజా ద‌ర్శ‌క‌త్వంలో తెర‌కెక్కుతున్న `గాడ్ ఫాద‌ర్‌`లో కీల‌క పాత్ర పోషిస్తోంది. అలాగే త‌మిళ్‌, హిందీ భాష‌ల్లోనూ ప‌లు చిత్రాలు చేసేందుకు నయన్ ఓకే చెప్పిన‌ట్లు తెలుస్తోంది.
Mogali Rekulu: మెగా ఫ్యామిలీతో సందడి చేసిన మొగలిరేకులు ఆర్కే నాయుడు.. వైరల్ అవుతున్న ఫొటోస్..!