Pawan Kalyan: పవర్ స్టార్ పవన్ కళ్యాణ్ తాజాగా నటిస్తున్న పీరియాడికల్ సినిమా హరిహర వీరమల్లు సెట్స్లోకి అడుగుపెట్టారు. ఇటీవల ఆయన ‘భీమ్లా నాయక్’ సినిమాతో ప్రేక్షకుల ముందుకు వచ్చి భారీ కమర్షియల్ హిట్ అందుకున్నారు. ఈ సినిమా బాక్సాఫీస్ వద్ద మంచి వసూళ్ళను రాబట్టింది. ఇక వకీల్ సాబ్ తర్వాత పవన్ తన తదుపరి సినిమాలను కూడా వరుసగా లైన్లో పెట్టిన సంగతి తెలిసిందే. వీటిలో మోస్ట్ అవైటెడ్ మూవీ స్టార్ డైరెక్టర్ క్రిష్ జాగర్లమూడి దర్శకత్వంలో పవన్ కళ్యాణ్ హీరోగా తెరకెక్కుతున్న ‘హరిహర వీరమల్లు’ ఒకటి.
పీరియాడికల్ డ్రామాగా అత్యంత ప్రతిష్ఠాత్మకంగా దర్శకుడు క్రిష్ తెరకెక్కిస్తున్న ఈ సినిమాలో పవన్ కళ్యాణ్ బందిపోటు దొంగగా కనిపించనున్నాడని ముందు నుంచి ప్రచారం జరుగుతోంది. ఈ సినిమాలో పవన్ సరసన ఇస్మార్ట్ బ్యూటీ నిధిఅగార్వల్ హీరోయిన్ గా నటిస్తుంది. అలాగే, ఈ సినిమాలో బాలీవుడ్ బ్యూటీ నర్గీస్ ఫక్రీ కూడా కీలక పాత్రలో కనిపించబోతుంది. కరోనా కారణంగా ఈ సినిమా షూటింగ్ ఇప్పటికే పలుమార్లు వాయిదా పడుతూ వచ్చింది. అయితే ఇటీవలే మళ్ళీ వీరమల్లు చిత్రీకరణ తిరిగి మొదలు పెట్టారు పవన్ కళ్యాణ్.
Pawan Kalyan: మొగల్ చక్రవర్తుల కాలంలో సాగే కథ..
ఈ నేపథ్యంలో శరవేగంగా షూటింగ్ పూర్తి చేయనుండగా.. ఈ నెల 8వ తేదీన కొత్త షెడ్యూల్ షూటింగు మొదలుకానుందని అన్నారు. భారీ బడ్జెట్ తో ప్రముఖ ఎ.ఎమ్.రత్నం నిర్మిస్తున్న ఈ సినిమాకి కీరవాణి సంగీతాన్ని అందిస్తున్నారు. బాలీవుడ్ విలక్షణ నటుడు అర్జున్ రాంపాల్ ముఖ్య పాత్ర పోషిస్తున్నారు. మొగల్ చక్రవర్తుల కాలంలో సాగే కథతో క్రిష్ ‘హరి హర వీరమల్లు’ సినిమాను రూపొందిస్తుండగా..ఒకరోజు ముందుగానే పవన్ సెట్లో
అడుగుపెట్టినట్టు తాజా సమాచారం. దీనికి సంబంధించిన లేటెస్ట్ పిక్స్ ఇప్పుడు సోషల్ మీడియాలో చక్కర్లు కొడుతూ వైరల్ అవుతున్నాయి.
Geetu royal: 5 నెలలుగా నరకం అనుభవిస్తున్న గీతు రాయల్.. కారణం ఇదే..!