Prabhas: ఓటీటీ ఫీల్డ్ లో నెట్ ఫ్లిక్స్ కి తిరుగుండదు. నెట్ ఫ్లిక్స్ లో ఉండే కంటెంట్ మిగతా ఓటిటి లకు చాలా భిన్నంగా .. ఇంట్రెస్టింగ్ గా ఉంటాయి. అటువంటి నెట్ ఫ్లిక్స్ ఓటీటీకి ప్రభాస్ అభిమానులు ఊహించని షాక్ ఇచ్చారు. మేటర్ లోకి వెళ్తే 2019 వ సంవత్సరంలో సుజిత్ దర్శకత్వంలో ప్రభాస్ నటించిన “సాహో” బాక్సాఫీస్ వద్ద బోల్తాపడటం తెలిసిందే. “బాహుబలి 2” తర్వాత ప్రభాస్ నటించిన ఈ సినిమా భారీ అంచనాల మధ్య విడుదలయ్యి ఏమాత్రం ప్రేక్షకులను ఆకట్టుకోలేకపోయింది.
బాలీవుడ్ హీరోయిన్ శ్రద్ధా కపూర్ నటించడంతో హిందీలో కూడా భారీ అంచనాలు పెట్టుకోక ఏమాత్రం ప్రేక్షకులను ఆకట్టుకోలేకపోయింది. ప్రభాస్ కెరియర్ లో అతిపెద్ద డిజాస్టర్ గా “సాహో” నిలిచింది. ఈ సినిమా కోసం ఏకంగా రెండు సంవత్సరాలు పాటు టైం కేటాయించడం జరిగింది. కానీ రిజల్ట్ మొదటి షోకి అట్టర్ ప్లాప్ అని రావడంతో అప్పట్లో ఫ్యాన్ ఎంతో నిరుత్సాహం చెందారు. ఈ సినిమాలో పాటలు మరియు ప్రభాస్ లుక్ ఏమాత్రం ప్రేక్షకులను ఆకట్టుకోలేకపోయింది. యాక్షన్ నేపథ్యంలో విడుదలైన ఈ సినిమా రిజల్ట్.. అభిమానులను ఎంతో నిరాశపరిచింది.
ఇదంతా పక్కన పెడితే ఇటీవల నెట్ ఫ్లిక్స్ ఇండోనేషియా సంస్థ “సాహో” సినిమాని ఉద్దేశించి ఇదేమి ఆక్షన్ అంటూ వ్యంగ్యంగా క్యాప్షన్ పెట్టింది. దీంతో హర్ట్ అయిన ప్రభాస్ ఫ్యాన్స్ సోషల్ మీడియాలో UnsubscribeNetflix, BanNetflix హ్యష్ ట్యాగ్ ట్రెండ్ చేస్తున్నారు. తమ ఫోన్ లలో నెట్ ఫ్లిక్స్ యాప్ డిలీట్ చేసేస్తున్నారు. ఆ స్క్రీన్ షాట్లను సోషల్ మీడియాలో పోస్ట్ చేస్తూ వైరల్ చేస్తున్నారు. అభిమాన హీరో సినిమాపై ఎటకారంగా కామెంట్ పెట్టడంతో… ప్రభాస్ ఫ్యాన్స్ నెట్ ఫ్లిక్స్ పై ఫుల్ సీరియస్ అవుతున్నారు.
Geetu royal: 5 నెలలుగా నరకం అనుభవిస్తున్న గీతు రాయల్.. కారణం ఇదే..!