పవన్ ఫ్యాన్స్ కు కత్తి మహేశ్ సలహా.. ఏంటంటే?

తెలుగు ఇండస్ట్రీలో నటుడుగా, సినీ విమర్శకుడిగా కత్తి మహేశ్ ఓ వెలుగు వెలుగు తున్నారనే చెప్పుకోవచ్చు. నటుడిగా ఏమోగాని పవర్ స్టార్ పవన్ కళ్యాణ్ పై ఎప్పుడు పడితే అప్పుడు విమర్శలు చూస్తూ వవన్ ఫ్యాన్స్ చేత నానా మాటలు పడుతూ ఉంటారు కత్తి మహేశ్. పవర్ స్టార్ పవన్ కళ్యాణ్ గురించి మాట్లాడేటప్పుడు నోరు అదుపులో పెట్టుకుని మాట్లాడమని తప్పుగా మాట్లాడితే నీ తాటా తీస్తామంటూ పవన్ ఫ్యాన్స్ కు కత్తి మహేశ్ కు మధ్య మాటల యుద్దమే నడిచింది. ఈ విషయం అందరికీ తెలిసిందే. అయితే కత్తి మహేశ్ పవన్ కళ్యాణ్ గురించే కాకుండా రాముని గురించి కూడా మాట్లాడి వివాదాల్లో చిక్కుకున్నారు.

శ్రీ రామ చంద్రుడిపై కత్తి మహేశ్ చేసిన వ్యాఖ్యల పట్ల జనశక్తి నేతలు ఆగ్రహం వ్యక్తం చేశారు. దీనితో పాటుగా అతనిపై పోలీస్ కేసు కూడా పెట్టారు. అయితే సమాజంలో ఒక వర్గంపై ఇలా వ్యాఖ్యలు చేయడంతో వారి మనోభావాలు దెబ్బతీస్తుండటంతో శాంతి భద్రతల కోసం కత్తి మహేశ్ ను హైదరాబాద్ పోలీసులు 6 నెలల పాటు నగర బహిష్కరణ చేసిన సంగతి తెలిసిందే. ఇదిలా ఉంటే కత్తి మహేశ్ మాత్రం పవన్ కళ్యాణ్ పై వ్యక్తిగత, రాజకీయ, సినీ రంగానికి సంబంధించిన అన్ని విషయాల్లో జోక్యం చేసుకుంటూ విమర్శిస్తూనే ఉన్నాడు. కత్తి మహేశ్ ను చాలా మంది తన మాటల దాడిని ఆపుకోమని చాలానే చెప్పారు. కాని కత్తి మహేశ్ మాత్రం ఏమాత్రం మారక పోగా అలాగే ప్రవర్తిస్తూనే ఉన్నారు.

ఎంత హెచ్చరించినా కాని కత్తి మహేశ్ లో ఏమార్పు రాకపోయే సరికి పవన్ ఫ్యాన్స్ కూడా వదిలేశారు. కాగా ఇంకా కత్తి మహేశ్ తన నోటి దురుసు తనాన్ని ప్రవర్తిస్తూ పవన్ రాజకీయాల గురించి ఘాటుగా మాట్లాడటంతో పపన్ ఫ్యాన్స్ సరికొత్త నిరసన చేపట్టారు. అందేంటంటే పవన్ కళ్యాణ్ పై విమర్శలు చేసే వారు డబ్బులకు అమ్ముడుపోయారని విమర్శిస్తున్నారు. దీనితో పాటుగా కత్తి మహేశ్ కు చిల్లర డబ్బును పంపించి వినూత్న నిరసనకు తెరలేపారు. దీంతో కత్తి మహేశ్ ఘాటు వాఖ్యలు చేశారు.

మీరు పంపిస్తున్న ఒక రూపాయి, ఐదు రూపాయల బదులుగా రూ.100 నో లేక వెయ్యో పంపెతే నా మందులోకి మంచింగ్ కు పనికి వస్తాయని కత్తి మహేశ్ ఎద్దేవా చేశారు. శనివారం రాత్రి తన పేస్ బుక్ లో ఈ పోస్ట్ ను పెట్టారు. నా అకౌంట్ నంబర్ ను తెలుసుకుని మీరు పంపిస్తున్న ఆ చిల్లరకు బదులుగా ఆ పంపేదేదో వందల్లో లేదా వేలల్లో పంపిస్తే మంచిగ్ ఖర్చుకు పనికి వస్తాయంటూ ఆయన అన్నారు. దీనితో మీ పవన్ హీరో మానం మర్యాదలు కాపాడినవారవుతారని ఆయన అన్నారు. ధన్యావాదాలని కత్తి మహేశ్ పోస్ట్ చేశారు. కాని ఈ పోస్ట్ తర్వాత పవన్ ఫ్యాన్స్ మళ్లీ ఎలా నిరసన తెలపనున్నారో వేచి చూడాలి.