Indian 2: 1996లో శంకర్ దర్శకత్వంలో కమల్ హాసన్ హీరోగా నటించిన “భారతీయుడు” సూపర్ డూపర్ హిట్ అయిన సంగతి తెలిసిందే. అప్పట్లో విడుదలైన అన్ని భాషల్లో ఈ సినిమా రికార్డు స్థాయి కలెక్షన్స్ రాబట్టింది. స్టోరీ పరంగా మరియు మ్యూజిక్ పరంగా అన్ని రకాలుగా ఈ సినిమా అప్పట్లో అన్ని వర్గాల ప్రేక్షకులను ఆకట్టుకుంది. సమాజంలో అవినీతిని నిర్మూలించే పాత్రలో ముసలివాడిగా కమల్ పాత్ర సినిమాకే హైలైట్ అయింది. ఏఆర్ రెహమాన్ మ్యూజిక్… మనిషా కొయిరాలా, ఊర్మిళ, కస్తూరి శంకర్ హీరోయిన్ లుగా తమ నటనతో ఎంతగానో ఆకట్టుకోవడం జరిగింది. కాగా దాదాపు మళ్లీ 26 సంవత్సరాల తర్వాత ఇప్పుడు ఈ సినిమాకి సీక్వెల్ గా వస్తున్న “ఇండియన్ 2” సినిమా సరికొత్త కాన్సెప్ట్ తో శంకర్ తెరకేక్కిస్తున్నారు.
1920 బ్యాక్ డ్రాప్ తో పాటు ఇప్పటి పరిస్థితుల ఆధారంగా శంకర్ తెరకేక్కించడం జరిగిందట. ఇంకా 90 ఏళ్ల వృద్ధుడిలో కమల్ పాత్ర ఉండబోతుందట. ఈ క్రమంలో ఆ పాత్రకి తగ్గట్టు ప్రోస్థటిక్.. మేకప్ వాడటంతో షూటింగ్ సమయంలో కమల్ నోరు మెదపలేకపోతున్నారు. ఆహారం తీసుకోవడం కూడా కష్టంగా ఉందంట. దీంతో కేవలం జ్యూసులు రూపంలో మేనేజ్ చేస్తున్నాడట. భారతీయుడు మొదటి పార్ట్ లో అవినీతి చేసే వారిని చంపుతూ వీడియో రూపంలో దూరదర్శన్ ద్వారా టెలికాస్ట్ చేస్తు అవినితిపరులకు వార్నింగ్ ఇచ్చే తరహ కాన్సెప్ట్. అయితే ప్రస్తుతం సమాజంలో సోషల్ మీడియా విభాగంలో రకరకాల ప్లాట్ ఫాం లు ఉన్నాయి. ఈ క్రమంలో అదే అవినీతి కాన్సెప్ట్ తోనే ఈసారి సోషల్ మీడియాకి పెద్ద పీట వేస్తూ … సమాజంలో అవినీతిపరుల బరతం పట్టే రీతిలో స్టోరీ ఉండనున్నట్లు ప్రచారం జరుగుతుంది.
కమల్ ఒకపక్క పొలిటికల్ రంగంలో మరోపక్క సినిమా రంగంలో రాణిస్తున్నారు. ఈ క్రమంలో కొద్ది సంవత్సరాల క్రితం సినిమా హిట్ లేక బాధపడుతున్న కమల్…ఈ ఏడాది “విక్రమ్”తో హిట్ అందుకొన్నాడు. ఈ సినిమా తమిళ సినిమా రంగంలో బాహుబలి రికార్డులను బ్రేక్ చేసి… సరికొత్త రికార్డులు క్రియేట్ చేయడం జరిగింది. ఇప్పుడు ఇదే ఊపులో “ఇండియన్ 2” కంప్లీట్ చేసే పనిలో కమల్ ఉన్నారు. వాస్తవానికి ఈ సినిమా “విక్రమ్” కంటే ముందే రిలీజ్ కావాల్సి ఉంది. నిర్మాతలతో డైరెక్టర్ శంకర్ కి గొడవ కావడంతో పాటు ఆ గొడవ న్యాయస్థానం దాకా వెళ్లడంతో సినిమా ఆగిపోయింది. కానీ విక్రం సూపర్ డూపర్ హిట్ కావడంతో కమల్ చొరవ తీసుకొని.. శంకర్ మరియు నిర్మాతల మధ్య రాజీ కుదరచడం జరిగింది. వచ్చే ఏడాది ఈ సినిమా ప్రేక్షకుల ముందుకు రానుంది.
Geetu royal: 5 నెలలుగా నరకం అనుభవిస్తున్న గీతు రాయల్.. కార‌ణం ఇదే..!