Balakrishna: తమిళ నటి విచిత్ర తాజాగా బాలకృష్ణపై చేసిన వ్యాఖ్యలు ఇండస్ట్రీలో సోషల్ మీడియాలో పెను దుమారాన్ని రేపుతున్నాయి. ఇటీవల తమిళ్ బిగ్ బాస్ సీజన్ సెవెన్ షోలో విచిత్ర ఇండస్ట్రీలో తాను ఎదుర్కొన్న సమస్యల గురించి మాట్లాడుతూ 2001లో “భలేవాడివి బాసు” సినిమా చేస్తున్న టైములో బాలకృష్ణ లైంగిక వేధింపులకి గురిచేసినట్లు తెలియజేయడం జరిగింది. అర్ధరాత్రి తాగి వచ్చి హోటల్ లో తన బెడ్ రూమ్ తలుపును గట్టిగా కొట్టేవాడని అదేవిధంగా సినిమా సెట్స్ లో అసభ్యకరంగా తాకటం జరిగిందని విచిత్ర సంచలన వ్యాఖ్యలు చేయడం జరిగింది. దీంతో నటి విచిత్ర చేసిన వ్యాఖ్యలు రెండు తెలుగు రాష్ట్ర రాజకీయాలలో సినిమా రంగంలో పెను దుమారాన్ని రేపుతున్నాయి. బాలకృష్ణ వ్యవహరించిన తీరు పట్ల కొంతమంది సెలబ్రిటీలు సైతం అసహనం చెందుతూ ఉన్నారట.
ఆల్రెడీ గతంలో ఓ పబ్లిక్ సినిమా ఈవెంట్ లో.. ఆడది కనబడితే కడుపు అయినా చేసేయాలి, ముద్దైన పెట్టేయాలి.. అంటూ వ్యాఖ్యలు చేసి అనేక విమర్శలు బాలయ్య ఎదుర్కోవటం జరిగింది. దీంతో ఇప్పుడు తమిళ నటి విచిత్ర చేసిన వ్యాఖ్యలు.. సంచలనంగా మారాయి. దేశవ్యాప్తంగా చాలా రంగాలలో మహిళలు లైంగిక వేధింపులు ఎదుర్కొన్న ఘటనలు చాలానే ఉన్నాయి. ఇలాంటి సమస్యలపై బాలీవుడ్ సీనియర్ హీరోయిన్ తను శ్రీ దత్త “మీటు” అనే ఉద్యమం కొన్ని సంవత్సరాల క్రితం మొదలుపెట్టడం జరిగింది. అప్పట్లో సినిమా రంగంలో లైంగిక వేధింపులు ఎదుర్కొన్న చాలామంది బయటకు వచ్చి తమ సమస్యలు విన్నవించుకున్నారు. ఆ ఉద్యమం అలా అలా ఇతర రంగాలకు కూడా వ్యాపించి రాజకీయ, మీడియా రంగాలలో లైంగిక వేధింపులను ఎదుర్కొన్న బాధిత మహిళలు వాటి గురించి వెల్లడించారు.
ఈ ఉద్యమం కారణంగా అప్పట్లో ఆరోపణలు ఎదుర్కొన్న చాలామంది నటుల సినిమాలను కొన్ని అంతర్జాతీయ ఓటీటీ సంస్థలు బాయ్ కాట్ చేయడం జరిగింది. పరిస్థితి ఇలా ఉంటే ఇప్పుడు ఆ రకంగానే అంతర్జాతీయ ఓటీటీ సంస్థలు… విచిత్ర చేసిన వ్యాఖ్యలను సీరియస్ గా తీసుకుని బాలకృష్ణ సినిమాలపై బాయ్ కాట్ చేయటానికి అవకాశాలు ఉన్నట్లు వార్తలు వస్తున్నాయి. ఈ వివాదం విషయంలో మహిళల నుండి విపరీతమైన వ్యతిరేకత వస్తూ ఉంది. ఒక రాజకీయ నాయకుడిగా ఎమ్మెల్యేగా గౌరవప్రదమైన పదవిలో ఉన్న బాలకృష్ణ వ్యక్తిత్వపరంగా.. ఆడవాళ్ళ పై అసలు గౌరవం లేని వ్యక్తి అని విచిత్ర వ్యాఖ్యలపై చాలామంది మహిళలు కామెంట్లు చేస్తున్నారు. విచిత్ర.. బాలకృష్ణపై చేసిన వ్యాఖ్యలు రోజురోజుకి పెను దుమారని రేపుతున్నాయి. దీంతో కచ్చితంగా అంతర్జాతీయ ఓటీటీ సంస్థలు బాలకృష్ణ సినిమాలను బాయ్ కాట్ చేసే అవకాశాలున్నట్లు ప్రచారం జరుగుతుంది.
Mogali Rekulu: మెగా ఫ్యామిలీతో సందడి చేసిన మొగలిరేకులు ఆర్కే నాయుడు.. వైరల్ అవుతున్న ఫొటోస్..!