Rajinikanth- Chiranjeevi- Balakrishna : తమిళ సూపర్ స్టార్, తలైవాగా పేరుగాంచిన రజనీకాంత్ ప్రస్తుతం పెద్ద వివాదంలో చిక్కుకున్నారు. అది కూడా ఇద్దరు స్టార్ హీరోల మధ్యన నలిగిపోతూ తీవ్ర అయోమయంలో ఉన్నట్లు తెలుస్తోంది. ఈ విధంగా తెలుగు ఇండస్ట్రీలో స్టార్ హీరోలైన బాలకృష్ణ, మెగాస్టార్ చిరంజీవి మధ్యన తమిళ సూపర్ స్టార్ రజనీకాంత్ బాధపడటానికి గల కారణం ప్రస్తుతం రజనీకాంత్ తమిళంలో నటిస్తున్న ‘అన్నాతే’ అనే సినిమా ఇందుకు కారణమని చెప్పవచ్చు. అసలు రజిని సినిమాకు చిరంజీవి, బాలకృష్ణకు సంబంధం ఏమిటి? రజనీకాంత్ సినిమా తీస్తే వీరిద్దరి మధ్య ఎందుకు నలిగిపోతున్నారు? అనే అనుమానాలు తలెత్తుతాయి. అయితే అసలు విషయం ఏమిటంటే ఇక్కడ తెలుసుకుందాం…
ప్రస్తుతం సినిమా ఇండస్ట్రీలో పాత సినిమా పేర్లను వాడుకోవడం తరచు మనం చూస్తూనే ఉన్నాం. అయితే ఒకప్పటి బ్లాక్ బస్టర్ హిట్ సినిమా పేర్లను వాడుకోవడం వల్ల ఈ సినిమాపై ఆసక్తిని కలిగి ఉంటారు. అదే స్టార్ హీరోలు నటించిన సినిమా గురించి అయితే ప్రత్యేకంగా చెప్పాల్సిన పనిలేదు. ప్రస్తుతం తమిళ సూపర్ స్టార్ రజనీకాంత్ నటిస్తున్న ‘అన్నాతే’ అనే సినిమాను దర్శకుడు శివ తెరకెక్కిస్తున్నారు. అయితే ఈ సినిమాకు తెలుగు అర్థం “అన్నయ్య” అని వస్తుంది.
మరి రజనీకాంత్ అన్నయ్య లేక పెద్దన్నయ్య అవుతాడా:
‘అన్నాతే’ అనే సినిమాలో రజనీకాంత్ కి నలుగురు తమ్ముళ్లు ఉంటారు.అయితే తెలుగులో ఈ సినిమాకు టైటిల్ చిరంజీవి నటించిన సూపర్ హిట్ సినిమా “అన్నయ్య”అని పెట్టాలా.. లేక బాలకృష్ణ నటించిన సూపర్ హిట్ సినిమా “పెద్దన్నయ్య”టైటిల్ పెట్టాలా తెలియక తికమక పడుతున్నారు.అయితే సూపర్ స్టార్ రజనీకాంత్ నటిస్తున్న ఈ సినిమాకు తెలుగులో ఏ టైటిల్ పెడతారా అని మెగా అభిమానులు, ఇటు నందమూరి అభిమానులు ఎంతో ఆతృతగా ఎదురు చూస్తున్నారు.అయితే రజనీకాంత్ నటిస్తున్న ఈ సినిమా దీపావళికి విడుదల కావాల్సి ఉండగా రజనీకాంత్ ఆరోగ్య పరిస్థితిని దృష్టిలో పెట్టుకుని ఈ సినిమా మరికొద్ది రోజులు వాయిదా వేసే అవకాశాలు కనిపిస్తున్నాయి. ఈ సినిమాలో రజనీకాంత్ సరసన ఖుష్బూ, మీనా నటించనున్నారు.అయితే రజనీకాంత్ తీవ్ర అనారోగ్య సమస్యతో బాధపడుతుడడం వల్ల ఈ సినిమాని తన చివరి సినిమాగా ప్రకటించనున్నట్లు సమాచారం వినబడుతోంది.ఈ సినిమా పూర్తయిన తర్వాత సినిమాలకు గుడ్ బై చెబుతూ పూర్తి రెస్ట్ తీసుకొనే ఆలోచనలో సూపర్ స్టార్ రజినీకాంత్ ఉన్నట్లు తెలుస్తోంది. అయితే ఈ విషయం గురించి రజనీ కాంత్ స్పందన ఏ విధంగా ఉంటుందో తెలియాల్సి ఉంది.
Manasichi Choodu: మేము పెళ్లి కాకముందే అటువంటి పని చేశాము.. మనసిచ్చి చూడు సీరియల్ ఫేమ్ కీర్తి బోల్డ్ కామెంట్స్..!