మ‌ళ్లీ తెలుగులోకి ఎన్టీఆర్ చిత్రం

యంగ్ ఎన్టీఆర్ న‌టించిన టెంప‌ర్ చిత్రాన్ని త‌మిళంలో విశాల్ అయోగ్య పేరుతో రీమేక్ చేశాడు. ఇప్పుడు మ‌ళ్లీ ఈ చిత్రాన్ని తెలుగులో అనువాదం చేస్తున్నారు. త‌మిళంలో విడుద‌లైన ఈ చిత్రం చాలా పెద్ద విజ‌యాన్ని సాధించింది. ఇప్పుడు ఈ చిత్రాన్ని తెలుగులో `అయోగ్య‌` అనే టైటిల్‌తోనే విడుద‌ల చేస్తున్నారు.

మ‌ల్కాపురం శివ‌కుమార్, ఈ సినిమా తెలుగు హ‌క్కుల‌ను సొంతం చేసుకున్నారు. ప్ర‌స్తుతం అనువాద కార్య‌క్ర‌మాలు జ‌రుగుతున్నాయి. జూన్‌లో సినిమాను విడుద‌ల చేసేలా స‌న్నాహాలు చేస్తున్నారు. రాశీఖ‌న్నా హీరోయిన్‌గా న‌టించింది. ఠాగూర్ మ‌ధు నిర్మంచిన ఈ చిత్రాన్ని వెంక‌ట్ మోహ‌న్ డైరెక్ట్ చేశారు. సామ్ సి.ఎస్ సంగీతం అందించారు. హీరో విశాల్ న‌ట‌నే సినిమాకు హైలైట్‌గా నిల‌చింది. త‌మిళ ప్రేక్ష‌కులు, విమ‌ర్శ‌కులు చిత్రాన్ని అప్రిషియేట్ చేశారు.