అక్కినేని కోడలు… సమంత అక్కినేని తెలుగు ప్రేక్షకులకు ఆహా ఓటీటీ ద్వారా సామ్ జామ్ షో తో ఎంటర్టైన్మెంట్ ను అందిస్తున్న విషయం విదితమే. ఈ షో లో ముఖ్యంగా చిరంజీవి వచ్చిన ఎపిసోడ్ కోసం మెగా ఫాన్స్ అందరూ ఎంతో ఆతృత తో ఎదురుచూస్తున్నారు. ఇప్పటికే ఈ ఎపిసోడ్ కు సంబంధించిన ప్రోమో ను ఆహా బృందం విడుదల చేశారు. ఆ ప్రోమో రిలీజ్ అయ్యినప్పటి నుంచి ఎప్పుడెప్పుడా అని ఎదురుచూస్తున్న సమయం రానే వచ్చింది. ఈ క్రిస్మస్‌ కానుకగా ఆహా లో సామ్ జామ్ షో లో మెగా స్టార్ చిరంజీవి గెస్ట్‌ గా వచ్చిన ఎపిసోడ్ స్ట్రీమ్ అవ్వనున్నది.
సామ్ జామ్ లో ఈ ఎపిసోడ్ కోసం మెగా ఫాన్స్ ఎంతో ఆసక్తిగా ఎదురు చూస్తున్నారు. ఎదురుచూపులు తెర పడింది. ఎట్టకేలకు ఈ క్రిస్మస్‌ కానుకగా ఆహా సిబ్బంది ఆ ఎపిసోడ్ ను తీసుకు రాబోతున్నారు.
ఇప్పటికే ఈ షో కు అల్లు అర్జున్‌ కి కూడా ఇన్విటేషన్ అందినట్లు ఆయన సోషల్ మీడియా లో పోస్ట్ చేశారు. దీనికి సంబంధించిన షూట్ కూడా జరిగింది. కొత్త సంవత్సరం కానుకగా ఆ ఎపిసోడ్ ను స్ట్రీమింగ్‌ చెయ్యనున్నారు. కొత్తగా ఆహా సబ్స్క్రిప్షన్ తీసుకుంటున్న వారు AHA100 అనే ప్రోమో కోడ్ ను ఉపయోగించి డిస్కౌంట్ పొందవచ్చు. ఈ ఆఫర్ పరిమిత కాలం వరకు మాత్రమే.
ఇక తరువాత రానున్న సంక్రాంతి పండుగకి ఆహా టీం మరో సర్‌ ప్రైజ్‌ ను ప్లాన్‌ చేస్తున్నట్లుగా సమాచారం. నాగార్జున మరియు అమల ఈ షో కి విచ్చేసి రేటింగ్ ను పెంచనున్నట్లు వార్తలు వస్తున్నాయి. అత్త, మామ మరియు కోడలు ఆహా లోని సామ్ జామ్ వేదిక మీద సందడి చేయనున్నట్లు సమాచారం.
