Rc15: శంకర్-రామ్ చరణ్ Rc15 కాంబినేషన్ లో సినిమా అనగానే సౌత్ ఇండియా అదిరిపోయింది. భారీ చిత్రాల దర్శకుడిగా శంకర్ కు 27 ఏళ్లుగా ఒకటే క్రేజ్ మెయింటైన్ చేస్తున్నాడు. ఈమధ్య కాస్త ఫ్లాపుల్లో ఉన్నా శంకర్ సినిమా అంటే క్రేజ్ అమాంతం పెరిగిపోతూనే ఉంది.. హీరోని బట్టి క్రేజ్ కూడా ఉంటుంది కాబబ్టి ఓపెనింగ్స్ కూడా అదే స్థాయిలో ఉంటాయి. ఈమధ్య శంకర్ కొన్ని ఫ్లాపులిచ్చినా ఆయనపై ఉన్న క్రేజ్ మాత్రం చెక్కుచెదరలేదు. ఇప్పుడు టాలీవుడ్ స్టార్ హీరో మెగాపవర్ స్టార్ రామ్ చరణ్ హీరోగా సినిమా అనౌన్స్ చేసినప్పుడూ ఇదే జరిగింది. సినిమా మొదలుకాకుండానే.. అనౌన్స్ మెంట్ తోనే ఇండస్ట్రీ, ఫ్యాన్స్, ట్రేడ్ వర్గాల్లో క్యూరియాసిటీ పెరిగిపోయింది. ఇప్పుడీ సినిమా గురించి ఓ వార్త రౌండ్ అవుతోంది.
ఈ సినిమాను వచ్చే జూలై నుంచే ప్రారంభించబోతున్నారని టాలీవుడ్ లో వార్తలు రౌండ్ అవుతున్నాయి. ఇందుకోసం హైదరాబాద్ లో భారీ హౌస్ సెట్ కూడా నిర్మాణం జరుగుతోందట. జూన్-జూలైలో సినిమా ప్రారంభం అవుతుందని గతంలోనే వార్తలు వచ్చినా.. రీసెంట్ గా జరిగిన పరిణామాలు సినిమా ప్రారంభంపై అనుమానాలు రేకెత్తించాయి. శంకర్ తమ ప్రాజెక్టుపై కాకుండా తెలుగు, హిందీ సినిమాలపై దృష్టి పెట్టాడని.. ముందు తమ సినిమా పూర్తి చేశాకే మిగిలిని సినిమాలు చూసుకోవాలని లైకా సంస్థ హైకోర్టుకు వెళ్లిన విషయం తెలసింది. దీంతో రామ్ చరణ్ సినిమా ఎప్పుడు ప్రారంభమవుతుందనే అనుమానాలు, ప్రశ్నలు తలెత్తాయి. ఇప్పుడు ముందనుకున్న షెడ్యూల్ ప్రకారమే జూలైలో ప్రారంభమవుతుందని అంటున్నారు.
ఈ సినిమాలో శంకర్ ట్రేడ్ మార్క్ కంప్యూటర్ గ్రాఫిక్స్ కు ఎక్కువ ప్రాధాన్యం ఇవ్వకుండా మెయిన్ కథతో యాక్షన్, టెంపో మెయింటైన్ చేసేలా కథ రాసుకున్నట్టు సమాచారం. దీంతో సినిమా ఏళ్లకేళ్లు లేట్ అయ్యే అవకాశాలు లేవని అంటున్నారు. గతంలో శంకర్ తీసిన భారతీయుడు, ఒకేఒక్కడు, అపరిచితుడు తరహాలో కథపై మాత్రమే సినిమా నడిచేలా ప్లాన్ చేశాడంటున్నారు. దీంతో సినిమాపై ఇంకా అంచనాలు పెరిగిపోయాయి. హీరోయిన్ గా కూడా కైరా అద్వానీని తీసుకున్నట్టు తెలుస్తోంది. మరి.. జూలై నుంచే షూటింగ్ ప్రారంభమవుతుందనే వార్తల్లో నిజమెంతుంతో నిర్మాత దిల్ రాజు రివీల్ చేయాల్సిందే..!
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!