వామ్మో.. టాయిలెట్‌లో పాము.. వైర‌ల్ వీడియో..!

పాముల‌ను చూస్తేనే చాలా మందికి ఒళ్లంతా జ‌ల‌ద‌రిస్తుంది. కొంద‌రికి విప‌రీత‌మైన భ‌యం క‌లుగుతుంది. అయితే ఆ వ్య‌క్తికి కూడా స‌రిగ్గా ఇలాగే జ‌రిగింది. త‌న బెడ్ రూం టాయిలెట్‌లోకి వెళ్లి చూసే సరికి టాయిలెట్ బౌల్‌లో ఓ పాము క‌నిపించింది. దీంతో అత‌ను ముందు భ‌యప‌డ్డా ఆ పామును త‌రువాత తీసేశాడు. ఆ స‌మ‌యంలో తీసిన వీడియో ఒక‌టి ప్ర‌స్తుతం సోష‌ల్ మీడియాలో వైర‌ల్ గా మారింది.

టెక్సాస్‌లోని మిటియ‌రాల‌జిస్టు పేటాన్ మెలోన్‌కు చెందిన స్నేహితుడొక‌రు ఆ వీడియోను తీశాడు. అత‌ని ఇంట్లో బెడ్ రూం టాయిలెట్‌లో ఆ పాము క‌నిపించింది. దీంతో దాన్ని వీడియో తీసి మెలోన్‌కు పంప‌గా.. అత‌ను దాన్ని సోష‌ల్ మీడియాలో షేర్ చేశాడు. కాగా సోషల్ మీడియాలో వైర‌ల్ అయిన ఆ వీడియోకు ఇప్ప‌టికే 20 ల‌క్ష‌లకు పైగా వ్యూస్ వ‌చ్చాయి. ఎంతో మంది దాన్ని షేర్ చేశారు. ఆ వీడియో 29 సెక‌న్ల నిడివి ఉంది.

I always thought this was an irrational fear of mine…apparently not. Friend out in west Texas found this. ??? pic.twitter.com/jd23gbLkGF

— Payton Malone WWL-TV (@paytonmalonewx) August 16, 2020

ఆ వీడియోలో వ్య‌క్తి టాయిలెట్ బౌల్‌లో ఉన్న పామును గోల్ఫ్ స్టిక్‌తో తీసి వేస్తుండ‌డాన్ని గ‌మ‌నించ‌వ‌చ్చు. అయితే ఆ వీడియోపై నెటిజ‌న్లు భిన్న ర‌కాలుగా స్పందిస్తారు. త‌మ ఇండ్ల‌లో టాయిలెట్ల‌లోనూ కొన్ని సార్లు ఇలాగే పాములు వ‌స్తాయ‌ని, క‌నుక టాయిలెట్ మూత‌ను ఎప్పుడూ మూసి ఉంచాల‌ని అంటున్నారు.